25:655  655  SERMON  V.  656  dit,  si  est-ce  que  de  nostre  coste  nous  ne  devons  point  estre  oisifis,ne  comme  troncs  de  bois,  mais  nous  presenter  a  son  service.  Car  combien  que  nous  ne  puissions  pas  remuer  un  doigt  pour  bien  faire,  si  est-ce  que  Dieu  nous  a  constituez  instrumens,  par  lesquels  il  veut  besogner.  Il  faut  donc  que  nous  mar-  ��hions  quand  il  nous  commande  :  il  faut  que  nous  mettions  peine  d'appliquer  tous  nos  membres  et  nos  sens  pour  luy  obeir.  Il  est  vray  (comme  i'ay  dit)  que  les  hommes  sont  du  tout  inutiles,  et  mesme  que  leur  volonte  tend  tout  au  rebours  de  ce  que  Dieu  leur  commandera:  mais  cependant  Dieu  ne  laisse  point  de  nous  donner  le  vouloir:  nous  ayant  donne  le  vouloir,  il  nous  donne  aussi  l'execution,  comme  sainct  Paul  en  parle  aux  Philippiens:  et  cependant  il  le  nous  faut  faire  avec  crainte  et  avec  solicitude.  Quand  sainct  Paul  dit:  Faites,  et  c'est  Dieu  qui  fait,  il  semble  que  ce  sont  deux  choses  repugnantes,  mais  non  sont:  car  Dieu  besongne  en  telle  sorte,  qu'il  s'attribue  ce  qu'il  fait  en  nous  :  et  cependant  il  ne  veut  pas  que  nous  soyons  lasches  ni  endormis,  mais  qu'un  chacun  de  nous  s'esvertue.  Apprenons  donc  quand  Dieu  nous  a  promis  quelque  chose,  que  c'est  son  office  d'accomplir  le  tout:  neantmoins  il  veut  que  nous  travaillans,  et  nous  veut  employer,  voire  nous  qui  sommes  du  tout  inutiles  :  et  nous  ayant  donne  sa  vertu,  il  veut  que  nous  mettions  peine  de  faire  valoir  ce  qu'il  nous  a  distribue,  et  de  le  faire  profiter.  Voila  donc  ce  que  nous  avons  a  noter.  Mais  cependant  il  y  a  aussi  la  conclusion  que  fait  Moyse,  c'est  assavoir,  quand  il  dit:  Ne  crain  point,  et  ne  sois  point  espouvante.  Or  par  cela  il  monstre  que  combien  que  nous  soyons  armez  et  munis  des  promesses  de  Dieu,  que  combien  que  nous  devions  estre  assez  asseurez  qu'il  nous  conduira  iusques  a  la  fin,  toutesfois  que  nous  aurons  beaucoup  d'occasions  pour  nous  faire  despiter  et  fascher,  tellement  que  nous  pourrions  nous  destourner  du  bon  chemin,  nous  pourrions  quitter  la  tout,  n'estoit  que  nous  eussions  une  constance  pour  surmonter  les  obiects  et  difficultez  que  le  diable  nous  met  en  avant:  car  de  nature  nous  sommes  craintifs.  Il  est  vray  que  nous  ne  sommes  que  par  trop  hardis  en  beaucoup  de  choses.  Quand  il  est  question  d'attenter  follement  ie  ne  say  quoy,  la  il  ne  faut  point  enhardir  les  hommes:  car  ils  n'ont  que  trop  d'audace  pour  attenter  ceci  et  cela,  et  pour  les  faire  monter  par  dessus  les  nues,  comme  on  dit:  mais  quand  il  est  question  de  suivre  la  ou  Dieu  nous  appelle,  nous  regardons  ca  et  la,  et  haut  et  bas,  nous  sommes  tout  esperdus,  et  mesmes  il  ne  faut  qu'une  mouche  voller  devant  nos  yeux,  ou  voir  un  festu  devant  nos  pieds,  nous  voila  arrestez.  Et  puis  que  nous  avons  ce  vice  en  nostre  nature,  advisons  de  combattre  de  tous  costez  contre  ces  folles  craintes,  afin  que  nous  ne  soyons  point  re-