23:655  655  SERMONS.  656  ne  le  prenions  pas  sinon  pour  necessite,  et  pour  usage  qui  soit  digne  de  la  sainctete  d'iceluy:  de  sa  part  aussi  il  nous  [pag.  41]  donne  l'exemple.  Il  faut  donc  conclure  que  c'est  un  article  qui  emporte  beaucoup  et  qui  nous  est  de  grande  utilite,  de  savoir  comment  celuy  qui  devoit  estre  Redempteur  du  peuple,  avoit  aussi  titre  de  Roy  et  de  Sacrificateur.  Et  de  fait,  si  nous  separions  l'un  d'avec  l'autre,  la  foy  que  nous  avons  en  nostre  Seigneur  Iesus  Christ  seroit  bien  debile,  et  n'auroit  point  de  fondement  certain  ny  ferme.  Car  il  y  a  deux  choses  requises  pour  nostre  salut:  c'est  d'un  coste  que  Dieu  nous  accepte  comme  iustes,  et  nous  avoue  mesme  pour  ses  enfans:  L'autre,  c'est  que  nous  soyons  conduitz  sous  sa  main,  que  nous  soyons  maintenus  et  garantis  par  sa  vertu  invincible.  Si  nous  voulions  prendre  l'un  de  ces  poincts-la,  il  ne  suffiroit  qu'a  demy.  Voici  comment:  Prenons  le  cas  que  Dieu  nous  fust  propice,  et  qu'il  ne  nous  imputast  point  nos  pechez:  si  le  diable  cependant  avoit  puissance  sur  nous,  et  que  nous  fussions  exposez  en  proye  a  tous  les  assautz  qu'il  nous  dresse:  que  seroit-ce,  sinon  que  nous  serions  povres  gens  esperduz?  D'autre  part,  si  Dieu  desployoit  seulement  sa  vertu  pour  nostre  defense,  et  que  nous  ne  fussions  point  reconciliez  a  luy,  et  que  nous  ne  fussions  point  tenuz  et  reputez  pour  iustes:  il  est  certain  qu'il  nous  faudroit  tousiours  venir  a  conte.  Et  mal-heur  sur  nous,  quand  nous  serions  iugez  sans  misericorde  [pag.  42].  Mais  nous  savons  que  toute  nostre  iustice  consiste  en  ce  que  Dieu  ait  pitie  de  nous,  qu'il  ensevelisse  toutes  nos  fautes.  Il  a  donc  fallu  que  nostre  Seigneur  Iesus  Christ  apparust  Roy  et  Sacrificateur,  c'est  a  dire  que  d'un  coste  il  fit  l'appointement  entre  Dieu  et  nous,  afin  que  nous  puissions  venir  la  teste  levee,  quand  il  est  question  d'avoir  nostre  refuge  a  Dieu,  et  que  nous  puissions  estre  asseurez  qu'il  nous  avoue  pour  ses  enfans.  Or  nous  avons  tout  cela  par  le  benefice  de  la  mort  et  passion  de  nostre  Seigneur  Iesus  Christ.  Car  ce  qu'il  a  espandu  son  sang,  a  este  pour  nous  laver  et  nettoyer  de  toutes  nos  macules.  Il  a  este  fait  hostie  de  satisfaction,  tellement  que  nous  sommes  acquitez  de  toutes  nos  dettes,  et  l'obligation  qui  estoit  contraire  a  nostre  salut,  a  este  deschiree  et  rompue,  comme  sainct  Paul  en  parle  aux  Coloss.  Voila  donc  ce  qui  a  este  accompli  en  la  personne  du  Fils  de  Dieu  quand  il  a  este  envoye  au  monde:  c'est  qu'en  souffrant  pour  la  remission  de  nos  pechez,  il  nous  a  rendus  iustes.  Non  pas  que  nous  le  soyons  du  tout  a  la  verite:  il  s'en  faut  beaucoup:  mais  c'est  que  Dieu  ne  nous  veut  point  iuger  selon  que  nous  l'avons  desservi:  au  contraire,  par  sa  bonte  infinie  il  nous  supporte,  et  l'obeissance  que  Iesus  Christ  a  rendue,  nous  est  aloee.  Comme  si  quelqu'un  payoit  nos  dettes:  me  voila  quitte,  ainsi  nostre  Seigneur  [pag.  43]