49:654  s'y  reposent:  mais  qu'il  fera  son  office  iusques  ea  la  fin  pour  maintenir  leur  salut:  car  d'autant  qu'il  nous  a  prins  en  sa  protection,  il  faut  que  sa  bonte  continue.  Et  voyla  pourquoy  auBsi  ce  mot  de  Iustice  en  l'Escriture  saincte  se  prend  pour  l'aide  que  Dieu  fait  a  tous  ceux  qui  Pinvoquent.  Quand  on  dira,  Dieu  est  iuste,  bien  peu  de  gens  cognoissent  que  cela  veut  dire.  Il  est  vray  que  souventes  fois  il  est  appele  Iuste,  d'autant  qu'il  punit  les  meschans,  et  transgresseurs  de  la  Loy,  et  gouverne  le  monde  en  toute  equite  et  droiture:  mais  aussi  la  iustice  de  Dieu  est  souvent  prinse  pour  la  protection  par  laquelle  nous  sommes  secourus  de  luy,  et  nostre  salut  est.  asseure:  car  sans  cela  que  seroit-ce  de  nous?  Et  c'est  une  doctrine  bien  notable,  et  dont  le  profit  ne  se  peut  assez  exprimer,  a  scavoir  que  nostre  salut  soit  en  ,ceste  sorte  conioint  a  la  iustice  de  Dieu,  et  que  cependant  qu'il  est  iuste,  il  ne  faut  point  que  nous  craignions  qu'il  ne  soit  aussi  bien  nostre  Sauveur,  pour  ce  que  ce  sont  choses  inseparables.  Et  ainsi  en  ce  passage  quand  S.  Paul  dit  que  Dieu  est  fidele,  cela  s'entend  qu'il  cognoist  son  office  et  ne  permettra  point  que  nous  defaillans,  puis  qu'il  nous  a  prins  en  sa  garde,  et  nous  veut  maintenir  quand  nous  persisterons  tousiours  a  l'invoquer.  Et  en  cela  voyons  nous  qu'il  n'a  pas  voulu  troubler  les  poures  ames  ni  aussi  les  mettre  en  perplexite  et  doute,  quand  il  disoit,  Regardez  que  vous  ne  tombiez:  ce  n'a  pas  este,  di-ie,  son  intention:  mais  il  a  voulu  que  les  hommes  s'appuyassent  sur  Dieu,  comme  nous  scavons  que  celuy  qui  tremble,  prendra  un  baston  et  un  appuy:  ainsi  faut-il  que  nous  ayons  nostre  refuge  a  Dieu,  lequel  nous  appelle.  Mais  cependant  si  faut-il  que  nous  ayons  ceci  tout  persuade,  que  puis  qu'il  est  fidele,  il  ne  souffrira  point  que  nous  soyons  tentez  outre  nostre  pouvoir.  Or  le  pouvoir  dont  parle  sainct  Paul,  n'est  pas  celuy  que  nous  avons  de  nature:  car  c'est  moins  que  rien:  mais  il  entend  ce  que  Dieu  mesme  nous  aura  donne.  Car  quand  Dieu  nous  fortifie,  ce  n'est  pas  en  perfection,  c'est  par  mesure:  non  pas  qu'il  soit  chiche,  quand  il  voudra  espandre  les  graces  de  son  sainct  Esprit.  Il  est  vray  que  nous  n'aurons  plus  nulle  infirmite  en  nous,  quand  nous  aurons  vaincu  pleinement  Satan:  mais  Dieu  nous  veut  ici  bas  tenir  en  bride:  et  voyla  pourquoy  il  permet  qu'il  y  ait  tousiours  quelque  residu  de  foiblesse  en  nous:  que  nous  ayons  nos  vices  ausquels  nous  sommes  subiets.  Il  est  vray  qu'ils  ne  regneront  point  en  nous,  mais  ils  ne  laissent  point  d'y  habiter.  Ie  di  en  nous,  quand  Dieu  nous  gouvernera  par  son  sainct  Esprit,  Dieu  donc  fera  tellement,  que  nous  aurons  tousiours  la  victoire  :  mais  tant  y  a  que  nous  serons  esbranlez  souvent,  et  qu'il  nous  laissera  tousiours  matiere  de  combat.  Et  pourquoy?  Pour  nous  exercer  a  humilite:  car  il  est  besoin  que  nous  44*