48:654  maniere  d'invoquer  Dieu.  Mais  apres  qu'Adam  a  engendre  Seth,  il  est  dit  que  le  nom  de  Dieu  a  este  invoque  derechef.  Dieu  donc  a  este  lors  servi  et  honore:  Car  apres  que  Seth  a  este  enseigne  a  servir  a  Dieu,  il  a  aussi  puis  apres  instruit  ses  enfans.  Or  pour  tout  le  service  de  Dieu  nous  voyons  qu'il  est  seulement  dit,  Le  nom  de  Dieu  a  este  invoque.  C'est  donc  la  chose  principale  que  nous  devons  avoir.  Car  combien  que  ce  mot  de  Chrestien  voie  maintenant  entre  nous,  ce  n'est  toutesfois  qu'un  abus  si  le  nom  de  Dieu  n'est  invoque  sur  nous.  Et  nous  ne  le  pourrons  invoquer  (comme  dit  S.  Paul)  que  nous  n'ayons  creu  en  luy.  Il  est  vray  que  loin  des  coups  nous  ne  serons  que  trop  hardis.  Car  on  verra  des  gaudissent,  quand  ils  sont  a  l'ombre  d'un  pot  et  d'un  verre,  qui  seront  les  meilleurs  Chrestiens  du  monde,  et  semblera  qu'ils  soyent  les  vrais  champions  de  Iesus  Christ,  et  qu'ils  luy  ayent  acquis  tout  ce  qu'il  ha.  Apres,  les  autres  promettront  a  l'advenir  qu'ils  feront  merveilles,  et  pensera-on  (a  les  ouir  parler)  que  si  la  Chrestiente  estoit  abolie,  on  la  retrouveroit  en  eux  :  et  toutesfois  si  on  les  regarde  de  pres  et  qu'on  sonde  leurs  coeurs,  on  trouvera  qu'ils  ne  sont  rien  moins  que  ce  qu'ils  promettent.  Et  ce  seront  ceux  les  premiers  qui  se  destourneront  de  Dieu.  Et  pourquoy?  pour  autant  qu'ils  n'ont  pas  ceste  consideration  de  penser  quels  ils  sont:  car  quand  un  chacun  regardera  bien  a,  soy,  il  y  trouvera  une  mer  de  pechez,  desquels  nous  ne  pourrions  estre  despouillez  sinon  que  gemissans  nous  ayons  nostre  recours  a  Dieu,  pour  l'invoquer  en  nostre  necessite.  Au  reste,  cognoissons  que  ce  sermon,  qui  a  autres  fois  este  fait  par  S.  Pierre  en  la  ville  de  Ierusalem,  est  maintenant  fait  entre  nous,  afin  que  nous  y  profitions:  et  notons  que  ce  n'est  pas  sans  cause  qu'il  amene  le  passage  du  Prophete  Ioel.  Pourtant,  ayons  fiance  en  ceste  promesse,  Que  quiconque  invoquera  le  nom  de  Dieu  sera  sauve.  Suyvant  ceste  saincte  doctrine  nous-nous  prosternerons  etc.  CINQUIEME  SERMON.  ACTES  Ch.  II.  22.  Hommes  Israelites,  oyez  ces  parolles  :  Iesus  de  Nazareth  homme  approuve  de  Dieu  entre  vous  par  puissances,  par  merveilles  et  par  signes,  lesquels  Dieu  a  faits  au  milieu  de  vous,  comme  aussi  vous  scavez.  23.  Cestuy  (di-ie)  estant  livre  par  le  conseil  diffini  et  prevoyance  de  Dieu,  avez  prins  par  Ies  mains  des  iniques  et  Vavez  crucifie  et  occi.  24.  Lequel  Dieu  ha  ressuscite,  ayant  oste  les  douleurs  de  la  mort,  pourtant  qu'il  n'estoit  possible  qu'il  fust  detenu  di!icelle.  Apres  que  S.  Pierre  a  declare  en  son  sermon  que  la  promesse  contenue  en  la  prophetie  de  Ioel