25:654  neur  Iesus  a  dedie  une  voye  fresche  par  son  sang.  Ceux  qui  ont  vescu  sous  fa  Loy,  et  les  Prophetes  ne  devoyent  pas  mespriser  la  verite  qui  avoit  este  manifestee  a  leurs  peres,  combien  que  c'eust  este  desia  de  long  temps,  ils  ne  devoyent  pas  penser  que  la  vertu  en  fust  amoindrie,  et  neantmoins  ils  n'avoyent  pas  une  telle  revelation  que  Dieu  nous  a  donnee.  Ce  n'est  point  donc  sans  cause  que  l'Apostre  dit,  que  la  voye  qui  a  este  dediee  par  Iesus  Christ  est  fresche.  Et  pourquoy  dit-il  cela?  comme  s'il  entendoit,  que  le  sang  de  nostre  Seigneur  Iesus  Christ  ne  peut  secher  ni  moisir,  qu'il  est  tousiours  de  fresche  memoire  devant  Dieu,  afin  que  nous  soyons  certifiez  de  sa  verite,  laquelle  il  a  seellee  par  sa  mort  et  passion.  Quand  donc  nous  avons  un  tel  gage,  d'autant  plus  devons-nous  estre  incitez  a  recevoir  la  verite  de  Dieu,  sentans  la  vertu  d'icelle  qui  demeure  a  tousiours.  Or  au  reste,  il  nous  faut  bien  noter  ce  que  Moyse  dit  ici  :  Ton  Dieu  fa  promis  la  terre,  elle  est  devant  toy,  possede-ia.  Par  ces  mots  il  signifie  qu'il  nous  faut  du  tout  arrester  a  ce  que  Dieu  nous  a  dit,  et  ne  point  disputer  selon  nos  phantasies  :  car  si  les  hommes  ne  se  contentent  de  ce  que  Dieu  leur  a  declare,  ou  est-ce  qu'ils  cercheront  plus  grande  certitude?  Et  quand  ils  l'auront  bien  cerchee,  ou  la  trouverontils?  Or  c'est  faire  une  iniure  trop  grande  a  nostre  Dieu,  de  n'estre  point  satisfaits  quand  il  luy  a  pleu  nous  declarer  sa  volonte,  et  nous  en  rendre  tesmoignage.  Si  sur  cela  nous  sommes  encores  en  bransle  et  en  doute,  ceste  infidelite  a  quoy  tendelle,  sinon  a  repliquer  a  la  verite  de  Dieu,  comme  s'il  n'estoit  point  fidele,  comme  s'il  estoit  pour  nous  abuser,  et  pour  nous  allaicter  de  vaine  esperance?  Ainsi  donc  notons  bien  qu'en  toute  nostre  vie  il  nous  faut  contenter  de  la  parolle  de  Dieu,  et  quand  nous  aurons  le  mot  de  luy,  suyvons  sans  nous  enquerir  d'avantage.  Car  toutes  les  doutes  et  scrupules  que  nous  aurons,  sont  autant  de  piques  a  l'encontre  de  Dieu,  ce  sont  autant  de  reproches  obliques  que  nous  luy  faisons,  qu'il  n'y  a  point  de  certitude  en  son  dire.  Or  nous  savons  qu'il  n'y  a  rien  qui  luy  soit  plus  propre  que  sa  verite.  Et  ainsi  nous  Paneantissons  entant  qu'en  nous  est.  Et  pourtant  c'est  encores  une  admonition  bien  utile  quand  il  est  dit  :  Le  Seigneur  ton  Dieu  fa  promis  la  terre  :  car  il  parle  encores  en  general,  qu'il  nous  faut  tenir  ceste  reigle  en  toute  nostre  vie,  d'acquiescer  a  la  simple  parolle  de  Dieu:  tantost  les  choses  seront  specifiees,  comme  i'ay  dit.  Mais  notons  bien  que  Moyse  ayant  allegue  la  promesse  que  Dieu  avoit  faite,  ayant  dit  aussi  que  la  terre  est  devant  le  peuple,  d'autant  que  Dieu  ne  veut  point  faillir  a  executer  ce  qu'il  a  une  fois  promis,  il  adiouste:  Entre,  et  possede-la.  En  quoy  il  nous  monstre,  combien  que  Dieu  parface  en  nous  tout  ce  qu'il  a