23:654  ou  Iesus  Christ  aussi  a  exerce  sa  sacrificature  non  seulement  en  preschant  l'Evangile,  mais  quand  il  a  este  crucifie  pour  nous,  et  qu'il  a  este  offert  en  oblation  sacree  a  Dieu  [pag.  39]  son  Pere,  afin  de  nous  reconcilier  a  iamais,  et  afin  de  faire  purgation  de  tous  nos  peschez.  PRIERE.  Or  nous  nous  prosternerons  devant  la  maieste  de  nostre  bon  Dieu,  en  cognoissance  de  nos  fautes:  le  priant  de  nous  recevoir  a  merci.  Et  voyant  que  nous  sommes  condamnez  quant  a  nous,  que  par  le  moyen  de  celuy  qu'il  nous  a  donne  pour  Redempteur,  nous  soyons  relevez  de  la  malediction,  en  laquelle  nous  serions  plongez,  sinon  qu'il  y  remediast  par  sa  bonte  infinie:  et  que  comme  il  nous  a  tendu  la  main  pour  nous  attirer  a  nostre  Seigneur  Iesus  Christ,  qu'il  nous  conferme  de  plus  en  plus  en  telle  perseverance  de  foy,  que  nous  adherions  a  luy  et  que  nous  n'en  soyons  iamais  destournez  par  nulles  tentations  de  ce  monde.  Et  que  plus  tost  nous  bataillions  contre  tous  les  alarmes  que  Satan  nous  dresse,  iusques  a  ce  que  nous  parvenions  a  ce  Royaume  eternel  qui  nous  a  este  appreste  devant  la  creation  du  monde,  et  qui  nous  a  este  si  cherement  acquis.  Que  non  seulement  il  nous  fasse  ceste  grace,  mais  a  tous  peuples,  etc.  Fin.  SECOND  SERMON  DE  MELCHISEDEC  AUQUEL  EST  MONSTRE  COMME  IL  A  ESTE  FIGURE  QUE  IESUS  CHRIST  DEVOIT  ESTRE  L'ETERNEL  ROY  ET  SACRIFICATEUR  ENSEMBLE.  [pag.  40]  Genese  Chap.  14.  18.  Melchisedec  Uoy  de  Salem,  presenta  du  pain  et  du  vin.  Gar  il  estoit  Sacrificateur  du  Dieu  Souverain.  19.  Et  le  benit  et  dit:  Benit  soit  Abram  vers  le  Dieu  Souverain  qui  possede  le  ciel  et  la  terre.  20.  Et  benit  soit  le  Dieu  Souverain  qui  a  livre  tes  ennemis  en  ta  main.  Et  Abram  luy  donna  les  decimes  de  toute  la  despouille.  Nous  avons  commence  a  monstrer  que  Melchisedec,  duquel  est  ici  fait  mention,  a  este  figure  de  nostre  Seigneur  Iesus  Christ.  Et  afin  que  nous  soyons  plus  atteutifz  a  ceste  doctrine,  il  nous  doit  souvenir  de  ce  qui  fut  hier  mis  en  avant,  c'est  que  Dieu  a  iure  d'un  serment  solennel,  que  celuy  qui  devoit  estre  Roy  sur  le  peuple,  seroit  aussi  Sacrificateur.  Or  il  est  certain  que  Dieu  espargne  son  nom,  et  qu'il  ne  le  iette  point  a  la  volee:  comme  il  veut  que  nous  l'ayons  en  reverence,  et  que  nous