8:653  653  EPISTOLAE  AD  CALVINUM.  654  vere  daemoniorum  spiritus,  a  quibus  occupati  tenentur,  qui  bestiae  trinitatem  agnoscunt.  Orbem  hi  tres  spiritus  concitant,  contra  agnum  immaculatum  Iesum  Christum,  filium  Dei,  Apoc.  16.  Falsi  ergo  sunt  trinitariorum  invisibiles  dii,  adeo  falsi,  sicut  dii  Babyloniorum  :  quum  praesertim  dii  illi  in  Babylone  colantur.  Vale.  EPISTOLA  TERTIA.  Saepius  ego  te  monui,  ne  illud  trium  rerum  monstrum  tantum,  et  tam  impossibile,  in  Deo  tu  admittas,  nullis  bene  intellectis  scripturis  probatum.  Hac  tamen  ratione  tu  moveris,  quod  Deus  ab  aeterno  dicitur  pater:  item  quia  patriarchae  dicebantur  filii  Dei,  1)  ratione  incorporei  illius  iam  tunc  exsistentis  filii.  Levissimae  sunt  hae  rationes,  ad  tantum  in  Deo  monstrum  inducendum.  Ad  primam  ego  clare  [pag.  582]  docui,  seclusa  in  Deo  temporum  ratione,  eum  semper  dici  patrem,  et  ab  aeterno  filium  hunc  generare,  in  quo  et  patres  antiqui  spem  habuerunt.  Hinc  secunda  ratio  diluitur,  imo  ut  insulsissima  reprobatur.  Nam  filiatio  illius  secundae  invisibilis  rei  nihil  habet  nobiscum  commune,  ut  eius  ratione  dicamur  filii.  In  homine  Christo  est  vera  filiatio,  hominibus  communicata.  Quod  in  patriarchis  fuerit  filiatio  Christi,  fuit  umbra  Futurorum,  sicut  erat  illis  spes  futuri  Christi.  Deus  dicebat,  se  fore  patrem,  et  nos  fore  filios,  tunc  in  umbra,  nunc  in  veritate.  Deus  erat  pater  personaliter,  sicut  erat  in  eo  persona  filii.  Erat  pater  realiter,  ratione  ipsius  hominis  Iesu  Christi,  sine  tempore  sibi  iam  praesentis,  et  ab  eo  aeternaliter  geniti:  sicut  si  tu  ab  aeterno  spirasses  ad  prolem  aliquam,  et  mulier  eam  nunc  pareret.  Hinc  dicitur  Christus  secundum  spiritum  esse  filius  Dei,  quia  est  per  spirationem  Dei  genitus,  et  spirituali  divina  ratione  productus.  Grave  tibi  est  concedere,  hominem  Christum  esse  ex  Deo  genitum.  At  nos  sumus  ex  Deo  geniti,  Ioan.  1.  An  simili  ratione,  an  sublimiore,  est  ille  ex  Deo  genitus?  Certe  sublimiore  et  ab  aeterno.  Imponis  mihi,  quod  sermonem  ego  dixerim  in  creatione  coepisse,  quando  Deus  sententiam  de  creando  mundo  protulit,  quasi  tunc  exstiterit  sermo  prolationis  ad  Christi  generationem.  Ego  aeternitatem  sermonis,  seu  rationis  divinae,  ubique  doceo,  Christi  relucentiam  aeternam,  futuri  hominis  personam,  et  substantiam,  ut  in  ea  facie  videatur  Deus.  Exstitit  quidem  sermo  in  creatione,  et  exivit  se  manifestans,  exivit  postea  varie  ad  prophetas.  In  incarnatione  latius  exivit,  et  generationem  totam  consummavit.  Mysterium  magnum  est,  et  donum  Dei  1)  Dei  om.