49:653  653  SUR  L'EPITRE  AUX  CORINTHIENS.  654  peuple  a  penitence,  apres  avoir  adouci  toute  l'asprete  qui  estoit  en  leurs  reprehensions,  voyans  une  malice  si  obstinee,  qu'il  n'y  a  plus  d'ordre,  prononcent  la  sentence  finale.  Yoyla  donc  ce  que  Dieu  vous  mande,  c'est  qu'il  est  vostre  Iuge.  Mais  ce  n'est  pas  afin  que  vous  retourniez  a  luy  plustost.  D'autant  que  vous  estes  un  peuple  incorrigible,  il  vous  prononce  qu'il  ne  veut  plus  profaner  sa  Parole  entre  vous,  mais  il  veut  executer  les  menaces  qui  vous  ont  este  faites.  Craignons  que  ce  dernier  message  ne  nous  soit  envoye.  Et  cependant  que  Dieu  nous  convie  a  soy  et  nous  monstre  qu'encores  que  nous  l'ayons  offense,  il  ne  laissera  point  d'avoir  pitie  de  nous:  que  nous  soyons  incitez  de  venir:  voire,  et  de  venir  en  vraye  obeissance,  afin  que  la  porte  ne  nous  soit  fermee,  et  que  nous  n'ayons  ceste  reproche,  qu'on  nous  dise  qu'il  ne  soit  plus  temps  :  car  nous  scavons  ce  qui  est  advenu  a  Esau  :  comme  l'Apostre  en  l'Epistre  aux  Hebrieux,  parlant  des  gens  profanes,  use  de  ce  mot,  pour  monstrer  qu'a  tous  ces  contempteurs  de  Dieu  et  a  tous  ces  gaudisseurs  qui  ne  font  que  hocher  la  teste  quand  la  parole  de  Dieu  se  presche,  et  qui  s'en  iouent,  et  autres  telles  gens,  il  y  a  une  issue  horrible  apprestee:  c'est  a  scavoir  telle  qu'on  a  veue  en  Esau,  qui  s'est  bien  lamente,  mais  il  n'a  rien  gaigne:  car  il  a  este  exclus  de  sa  primogeniture.  Puis  donc  que  nous  sommes  adoptez  de  Dieu,  avisons  de  ne  point  reietter  un  tel  bien:  quand  nous  serons  solicitez  pour  nostre  salut,  que  nous  ne  remettions  point  au  lendemain  :  car  Dieu  ne  pourra  porter  une  telle  mocquerie  de  sa  parole.  Or  cependant  ii  nous  faut  aussi  noter  ce  que  dit  sainct  Paul,  que  Dieu  est  fidele,  et  qu'il  ne  souffrira  point  que  les  Corinthiens  soyent  tentez  outre  leur  pouvoir.  Quand  il  appelle  ici  Dieu  fidele,  ce  n'est  point  seulement  au  regard  de  ses  promesses.  Il  est  vray  que  souvent  ce  titre  luy  est  attribue  en  tel  sens,  et  non  sans  cause:  car  nous  sommes  enclins  a  desfiance,  et  disputons  tousiours  si  Dieu  nous  tiendra  ce  qu'il  nous  a  dit:  tellement  que  nous  ferons  plus  d'honneur  a  un  homme  mortel,  quand  il  nous  aura  asseurez  de  quelque  chose,  qu'a  Dieu  mesme,  pour  ce  que  nous  sommes  tousiours  en  perplexite  de  ce  qui  devra  advenir.  Ainsi  l'Escriture  non  sans  cause  nous  declare  que  Dieu  n'est  point  comme  les  hommes,  qui  donneront  de  belles  paroles,  et  cependant  faillent  au  besoin,  ou  bien  sont  legers  et  voiages:  mais  que  quand  il  a  dit  le  mot,  il  nous  faut  du  tout  tenir  asseurez  de  luy.  Voyla  pourquoy  il  est  dit  que  la  Parole  de  Dieu  est  comme  Targent  qui  est  espure  au  feu  par  sept  fois:  que  c'est  une  chose  si  bien  approuvee,  qu'il  n'y  a  que  redire  qu'il  ne  faut  point  que  nous  craignions  qu'il  y  ait  une  goutte  d'escume  ni  superfluite.  Mais  en  ce  passage  sainct  Paul  a  voulu  exprimer,  que  Dieu  non  seulement  tiendra  ses  promesses  a  ceux  qui  s'y  fient,  et