48:653  653  DE  LA  PENTECOSTE.  654  il  nous  a  retirez  des  tenebres  d'erreur  ou  nous  estions,  et  nous  a  donne  son  Evangile  pour  nous  conduire  a  la  voye  de  salut.  Quand  nous  pensons  a  toutes  ces  choses  nous  devenons  souspirer  et  gemir,  voyans  la  bonte  de  Dieu  estre  si  grande  sur  nous  qu'entre  tant  de  peuples  il  nous  a  eleus  pour  nous  donner  la  cognoissance  de  sa  Parolle.  Or  il  y  a  ce  mal  en  la  Papaute  qu'ils  disent  qu'on  ne  peut  invoquer  Dieu  en  ferme  fiance,  et  que  c'est  presomption,  mais  qu'en  invoquant  Dieu  il  faut  douter.  Et  ce  ne  sont  point  les  petis  ne  le  commun  peuple  qui  voudront  soustenir  cela,  mais  ce  sont  les  plus  grans  docteurs,  et  ceux  qu'on  estimera  avoir  toutes  les  sainctes  Escritures  imprimees  en  leur  coeur.  Ils  ne  seront  point  tant  ardents  a,  defendre  leurs  marmousets,  combien  qu'ils  prenent  assez  grand'  peine  a.  les  maintenir.  Mais  quand  il  est  question  de  desgorger  tels  blasphemes,  ils  seront  animez  en  telle  sorte  qu'il  semblera  qu'ils  soyent  enragez.  Et  pourquoy?  pource  que  le  diable  veut  empescher  par  eux  que  nous  n'mvoquions  le  nom  de  Dieu  comme  nous  devons.  Ainsi  donc  que  tous  ceux  qui  prient  Dieu  comme  en  la  Papaute  soyent  asseurez  que  Dieu  les  desavoue.  Car  ce  n'est  point  ainsi  qu'il  faut  prier  Dieu,  de  dire  trois  ou  quatre  fois,  Nostre  Pere  qui  es  es  cieux  et  le  repeter  et  marmoter  souvent.  Tous  ceux  qui  le  font  sont  comme  sorciers  et  hereges.  Il  est  vray  que  nous  ne  scaurions  estre  trop  longs  en  oraison  :  mais  cela  s'entend  du  coeur.  Car  quand  nous  prions  nous  devons  sortir  hors  de  nous-mesmes,  et  oublier  nostre  propre  nature,  le  monde  et  tous  ses  alechemens,  afin  d'avoir  plus  facile  acces  a  nostre  Seigneur.  Voyla  comme  il  nous  en  faut  faire.  Et  au  reste  scachons  que,  n'ayant  point  la  vraye  invocation  du  nom  de  Dieu,  nous  n'avons  rien.  Et  posons  bien  ce  mot  ou  il  est  dit  que  nous  sommes  damnez  si  ce  n'est  que  nous  n'invoquions  Dieu.  Il  est  escrit  au  quatrieme  de  Genese,  quand  il  est  parle  de  la  lignee  malheureuse  de  Cain,  que  les  villes  s'edifient,  les  tours  se  bastissent,  et  cependant  ils  n'ont  pas  la  vraye