35:653  653  DE  LA  PROPHETIE  DE  CHRIST.  654  contemptibles:  comme  nous  le  voyons  par  plusieurs  passages.  S'il  y  a  povrete,  maladie,  langueur  ou  mespris,  s'il  y  a  qu'un  homme  n'ait  nulle  grace  ou  a  bien  parler,  ou  a  bien  faire,  qu'il  n'ait  point  de  maintien,  qu'il  n'ait  nulle  dexterite,  cela  se  nomme  infirmite  en  l'Escriture.  Brief  c'est  pour  revenir  a  ce  que  le  Prophete  avoit  touche  c'est  ascavoir  que  nostre  Seigneur  Iesus  a  este  comme  desfigure,  et  qu'on  n'a  trouve  nulle  apparence  en  luy  pourquoy  il  peust  estre  en  reputation  aucune  entre  les  hommes.  Non  pas  que  tousiours  il  n'ait  eu  certaines  marques  pour  estre  honore  comme  le  Fils  unique  de  Dieu,  mais  cela  a  este  obscurci  en  telle  sorte  par  ce  qu'il  a  endure,  qu'on  l'a  veu  infirme  tellement,  qu'il  n'y  avoit  nulle  vertu,  et  ne  sembloit  pas  qu'il  fust  doue  d'aucune  grace  pourquoy  on  le  deust  priser.  Et  mesmes  il  nous  faut  recueillir  ce  qui  a  este  recite,  c'est  ascavoir  qu'il  a  este  frappe  et  batu  de  la  main  de  Dieu,  qu'il  a  souffert  les  horribles  angoisses  de  son  iugement,  il  a  en  son  corps  porte  des  tormens  si  espovantables  que  rien  plus:  et  outre  cela,  il  a  este  vilipende  des  hommes,  comme  s'il  n'eust  pas  este  digne  d'estre  au  rang  des  plus  maraux.  Voyla  donc  comme  le  Fils  de  Dieu  a  este  afflige.  Puis  qu'ainsi  est,  cognoissons  d'autant  que  Dieu  ne  l'a  point  espargne,  qu'il  nous  a  espargnez  de  nostre  coste:  et  cependant  toutesfois  il  nous  a  donne  occasion  de  nous  humilier,  afin  que  nous  n'ayons  plus  la  teste  levee,  et  que  nous  ne  pretendions  pas  de  nous  iustifier,  ou  bien  que  nous  ne  iettions  point  nos  pechez  derriere  le  dos,  mais  que  iournellement  nous  y  pensions,  et  que  nous  soyons  confus,  voyans  la  recompense  qui  en  a  este  faite.  Car  est-ce  peu  de  chose?  S'il  y  avoit  un  povre  malfaiteur  qui  eust  commis  tous  larrecins  et  brigandages,  et  qu'apres  qu'il  auroit  cognu  ses  malefices,  il  y  eust  le  Fils  d'un  Roy  qui  fust  amene  en  iugement  pour  porter  la  punition,  et  que  le  malfaiteur  fust  absous  et  du  tout  quitte,  faudroit-il  qu'il  se  gaudist,  et  qu'il  se  mocquast,  voyant  que  le  Fils  du  Roy  deust  mourir,  et  porter  la  peine  pour  luy?  Or  maintenant  nous  sommes  espargnez:  voyla  Iesus  Christ,  le  Fils  unique  de  Dieu,  qui  est  emprisonne,  et  nous  sommes  delivrez:  il  est  condamne,  et  nous  sommes  absous:  il  est  expose  a  toutes  vergongnes,  et  nous  sommes  establis  en  honneur:  il  est  descendu  aux  abysmes  d'enfer,  et  l'ouverture  nous  est  faite  au  Royaume  des  cieux.  Quand  donc  nous  oyons  toutes  ces  choses,  est-il  question  de  nous  tenir  endormis,  nous  plaire  et  nous  flatter  en  nos  vices?  Ainsi  donc  notons  bien  l'intention  du  sainct  Esprit,  et  tousiours  poisons  ce  mot,  que  c'est  Dieu  qui  l'a  voulu  affliger:  comme  s'il  disoit  que  nous  devons  pas  estimer  que  nostre  Seigneur  Iesus  se  soit  la  mis  comme  a  l'abandon,  tellement  que  les  meschans