25:653  653  SUR  LE  DEUTER.  CHAP.  L  654  point  ceste  terre  ici  pour  ses  merites,  notamment  il  exprime  :  Cest  le  Dieu  de  vos  peres.  Car  ceste  terre  avoit  este  promise  tant  a  Abraham,  qu'a  Isaac  et  Iacob,  devant  que  les  Iuifs,  qui  estoyent  adonc,  fussent  nais.  Par  cela  donc  ils  sont  advertis,  qu'ils  n'ont  point  deservi  envers  Dieu  d'avoir  un  tel  bien,  mais  que  tout  procede  d'une  bonte  gratuite.  Or  tant  plus  devoyent-ils  estre  a  redarguer,  quand  ils  avoyent  senti  une  telle  experience  de  la  bonte  de  Dieu:  et  leur  peche  aussi  est  tant  plus  aggrave,  de  ce  qu'ils  n'ont  point  recognu  la  misericorde  de  Dieu  qu'il  leur  avoit  fait,  et  dont  il  avoit  use  envers  eux.  Voila  donc  en  somme  ce  que  Moyse  entend  ici.  Mais  nous  avons  a  noter  cependant,  combien  que  ceste  promesse  fust  desia  vieille,  qu'elle  n'avoit  point  perdu  sa  vigueur,  et  qu'elle  ne  laissoit  point  de  vivre  apres  la  mort  d'Abraham,  Isaac,  et  de  Iacob.  Jfi  est  vray  que  la  promesse  qui  avoit  este  donnee,  ne  s'estoit  point  addressee  a  ceux  qui  estoyent  pour  lors  vivans,  tous  estoyent  trespassez,  c'est  assavoir,  Abraham  et  les  patriarches  :  mais  la  promesse  de  Dieu,  et  sa  verite  ne  meurt  point  avec  les  hommes,  elle  n'a  point  un  cours  de  vie  transitoire  et  caduque  comme  nous  avons.  Ainsi  notons  bien,  encores  que  Dieu  eust  promis  la  terre  a  Abraham  pour  luy  et  les  siens,  et  les  successeurs  qui  devoyent  descendre  de  sa  race:  toutesfois  quand  Abraham  est  pourri  en  terre,  et  ceux  qui  Tont  suivi,  tous  les  Patriarches,  que  tout  cela  est  consomme  en  poudre  et  en  cendre,  si  est-ce  que  ce  mot  que  Dieu  avoit  prononce,  est  perdurable,  et  qu'il  n'a  point  este  amoindri  en  sa  vertu.  Cest,  di-ie,  un  article  que  nous  devons  bien  noter:  car  la  Loy  a  este  donnee  il  y  a  desia  si  long  temps,  que  si  nous  regardions  a  la  vieillesse,  il  nous  sembleroit  que  e'est  une  chose  morte  et  esteinte.  L'Evangile  a  este  publie  au  monde  environs  deux  mil  ans  apres,  et  nous  voyons  que  beaucoup  d'annees,  voire  de  siecles  se  sont  escoulez  depuis.  Si  donc  nous  voulions  mesurer  la  verite  de  Dieu  selon  le  temps,  nous  pourrions  penser  que  c'est  une  chose  comme  ensevelie,  et  qu'elle  est  mise  en  oubli.  D'avantage  ceux  qui  ont  porte  l'Evangile,  sont  trespassez  :  mais  cependant  il  nous  doit  souvenir  que  la  verite  de  Dieu  est  permanente,  et  que  si  les  hommes  sont  corruptibles,  et  qu'ils  passent  et  s'esvanouissent,  que  toutesfois  la  doctrine  de  salut  demeure  tousiours  en  son  entier,  que  la  vigueur  d'icelle  ne  diminue  point.  Voila,  di-ie,  ce  que  nous  avons  a  retenir:  combien  qu'anciennement  Dieu  ait  parle  a  Moyse,  et  a  ses  Prophetes:  combien  qu'il  ait  addresse  l'Evangile  a  ses  Apostres,  tant  y  a  qu'auiourd'huy  nous  devons  recevoir  ceste  doctrine  comme  estant  en  sa  plaine  vertu.  Et  d'autant  plus  le  devons-nous  faire,  notans  ce  qui  est  dit  par  l'Apos  re,  que  nostre  Seig-