23:653  653  SERMONS.  654  avons  a��  observer  sur  ces  niotz  de  Moyse,  quand  il  dit  que  Melchisedec  a  este  Roy  de  Salem,  et  qu'il  a  este  quant  et  quant  Sacrificateur.  Voila  deux  offices  qui  n'appartiennent  sinon  a  nostre  Seigneur  Iesus  Christ,  selon  que  Dieu  en  a  donne  la  reigle  en  sa  Loy  [pag.  37]:  et  ainsi  il  ne  nous  faut  point  douter  que  ce  n'ayt  este  la  sacrificature  de  Iesus  Christ,  qui  a  desia  este  monstree  a  Abram:  afin  que  sa  foy  fust  comme  sellee,  et  qu'elle  fust  mieux  confirmee  par  ce  moyen.  Car  cependant  que  le  corps  ne  s'est  point  monstre,  il  falloit  qu'il  y  eust  quelques  umbrages  pour  le  moins.  Ainsi  les  Peres  ont  eu  cela  pour  soustenement  de  leur  foy,  attendant  que  Iesus  Christ  apparust.  Ils  ont  eu  (di-ie)  des  umbrages  et  figures.  Et  combien  que  cela  ne  nous  soit  point  commun  avec  eux:  toutesfois  si  nous  est-il  bien  utile.  Car  nous  pouvons  recueillir  que  Iesus  Christ  n'a  pas  este  envoye  a  la  haste,  et  que  Dieu  ne  s'est  point  advise  pour  une  minute  de  temps  de  nous  le  donner  pour  Redempteur:  car  desia  il  avoit  la  verite  de  Redempteur,  combien  qu'il  n'eust  point  vestu  nostre  nature,  et  combien  qu'il  ne  fust  point  encores  manifeste,  et  que  l'Evangile  aussi  ne  fust  point  publie.  De  la  nous  voyons  que  la  foy  que  nous  avons  auiourd'huy  s'estend  au  long  et  au  large.  Et  que  l'Evangile  a  este  de  tout  temps,  en  sorte  que  les  Peres  anciens  ont  este  fondez  sur  nostre  Seigneur  Iesus  Christ,  et  que  l'esperance  de  leur  salut  estoit  la:  brief  c'est  une  aide  qui  n'est  point  a  mespriser.  Mais  quand  nous  ferons  comparaison  des  ombrages  avec  le  corps,  nous  verrons  que  nostre  condition  est  plus  desirable  que  celle  des  Peres.  Et  voila  pourquoy  [pag.  38]  aussi  il  est  dit,  que  bien-heureux  sont  les  yeux  qui  voyent  ce  que  les  disciples  ont  veu:  car  plusieurs  Rois  et  Prophetes  ont  eu  un  zele  ardent  de  iouir  d'une  telle  vision,  et  toutesfois  ils  n'ont  pas  obtenu  ce  qu'ils  demandoyent:  mais  ils  se  sont  contentez  d'avoir  une  certaine  fiance,  que  la  promesse  de  Dieu  s'accompliroit  en  temps  opportun:  comme  nous  verrons  puis  apres  que  Iacob  en  trespassant  dit,  Ie  verray  ton  salut,  Seigneur,  et  ie  m'y  confie.  Ainsi  donc  quand  nous  faisons  une  telle  comparaison,  nous  avons  bien  de  quoy  estre  fortifiez,  et  despiter  tout  ce  que  le  diable  pourra  mettre  en  avant,  pour  nous  divertir  de  la  purete  de  l'Evangile:  et  devons  estre  tant  plus  incitez  a  embrasser  nostre  Seigneur  Iesus  Christ,  puis  qu'il  a  apporte  la  pleine  et  parfaicte  verite  de  ce  qui  a  este  figure  en  la  Loy.  Voyla  donc  comme  nous  devons  faire  nostre  profit  de  ce  passage.  Quant  au  siege  de  Melchisedec,  il  est  bien  vray  semblable  que  c'estoit  Ierusalem,  qui  a  este  ainsi  nommee  depuis:  mais  il  y  a  eu  un  mot  compose  Iebusalem,  a  cause  des  Iebusiens  qui  avoyent  occupe  ce  lieu-la.  Quoy  qu'il  en  soit,  c'a  este  la  ville  en  laquelle  Melchisedec  a  este,  et  la