49:652  n'y  a  nulle  esperance  que  Dieu  nous  recoyve  a  merci.  Ils  pouvoyent  estre  ainsi  abatus.  Or  sainct  Paul  pour  ceste  cause  a  modere  ceste  correction,  et  a  use  de  l'Esprit  de  mansuetudo  lequel  il  recommande  en  l'autre  passage.  Et  pour  ceste  cause  il  dit,  Encores  la  tentation  qui  vous  a  snrprins,  est  humaine  :  comme  s'il  disoit,  La  maladie  n'est  pas  incurable.  Quand  ie  vous  repren,  il  est  vray  que  ie  suis  contraint  d'user  de  grande  rigueur,  voyant  que  vous  estes  si  outrecuidez,  et  ne  laissez  pas  de  vous  plaire  en  vos  vices,  quand  ils  sont  manifestes  a  tout  le  monde,  et  que  vous  devriez  vous  cacher  pour  vostre  turpitudo:  quand  donc  encores  vous  faites  vos  monstres,  comme  si  tout  estoit  bien  police  et  regle  entre  vous,  il  faut  que  ie  parle  rudement:  mais  si  est-ce  qu'encores  ie  vous  ouvre  la  porte  de  salut:  et  vostre  faute  n'est  pas  pour  vous  reietter  du  tout  loin  de  Dieu.  Retournez  a  luy  :  c'est  une  tentation  humaine.  Maintenant  nous  voyons  l'intention  de  S.  Paul.  Or  ce  passage  doit  estre  bien  note  de  ceux  qui  ont  la  charge  et  office  d'annoncer  la  parole  de  Dieu,  afin  qu'en  redarguant  les  pechez,  tousiours  ils  donnent  espoir  a  ceux  qui  ont  failli:  qu'ils  les  attirent  et  taschent  de  les  gaigner  par  douceur  et  ro  an  suetude,  afin  qu'ils  ne  perdent  point  courage  du  tout.  Et  voyla  comme  aussi  chacun  de  nous  doit  faire  son  profit  des  reprehensions  de  l'Escriture  saincte.  Quand  on  nous  adiourne  devant  Dieu,  qu'on  monstre  ce  que  nous  avons  merite,  et  que  mesmes  on  nous  propose  la  mort  eternelle,  il  est  vray  qu'en  premier  lieu  nous  devons  estre  saisis  de  frayeur,  et  il  le  faut:  car  iamais  nostre  chair  ne  seroit  abatue  comme  il  est  requis:  et  tousiours  nous  demeurerions  en  nostre  nonchalance,  comme  on  le  voit,  si  nous  n'estions  menacez  a  bon  escient.  Il  ne  faut  point  donc  que  la  parole  de  Dieu  seulement  nous  pieque,  mais  il  faut  qu'elle  nous  perce  du  tout.  Or  cela  est-il?  quant  et  quant  nous  devons  adiouster  ceste  consolation:  c'est  que  Dieu  ne  nous  veut  point  laisser  la  comme  gens  perdus:  mais  qu'apres  nous  avoir  bien  mortifiez,  ii  veut  espandre  sa  grace,  sa  misericorde,  la  vie  et  le  salut  sur  nous.  Esperons  donc  en  Dieu,  afin  que  nous  ayons  courage  de  retourner  a  luy  quand  nous  aurons  este  ainsi  confus,  a  cause  de  nos  vices.  Voyla  ce  que  nous  avons  a  noter.  Au  reste  c'est  bien  raison  que  nous  facions  nostre  profit  de  telles  admonitions,  quand  Dieu  nous  les  presente:  car  quelquefois  il  redargue  les  pecheurs  d'une  autre  facon:  c'est  qu'il  leur  monstre,  que  d'autant  qu'ils  ont  este  obstinez  et  endurcis,  il  n'est  plus  temps  de  retourner,  et  qu'il  ne  leur  restera  que  toute  confusion  devant  luy.  Nous  voyons  que  les  Prophetes  quelquefois  apres  avoir  exhorte  le