25:652  pour  en  avoir  memoire.  Or  ca  Dieu  m'a  secouru  en  telle  necessite,  i'ay  senti  son  aide  en  tel  endroit,  i'ay  este  assiste  de  sa  main,  et  m'a  fait  sentir  sa  vertu  en  telle  facon  et  en  telle:  voila  comme  tout  le  temps  de  nostre  vie  il  nous  faut  faire  un  recueil  des  benefices  de  Dieu,  et  de  son  assistance:  et  selon  qu'il  s'est  declare  a  nous,  que  nous  soyons  tant  plus  confermez  pour  nous  fier  en  ses  promesses,  et  pour  y  estre  appuyez  du  tout.  Sur  cela,  que  nous  soyons  confermez  en  une  constance  invincible,  pour  aller  quelque  part  qu'il  nous  guide,  et  que  nous  ne  craignions  nulle  difficulte.  Pourquoy?  mon  Dieu  qui  iusques  ici  ne  m'a  point  abandonne,  ne  cessera  pas,  et  comme  i'ay  senti  qu'il  donne  vertu  aux  siens,  ie  seray  secouru  par  luy,  il  me  tendra  la  main.  Ainsi  donc  il  n'est  plus  question  que  de  me  recommander  a  luy:  ie  voy  ceci  et  cela  qui  me  pourroit  empescher,  i'ay  beaucoup  de  tentations  qui  me  pourroyent  faire  tourner  bride:  mais  d'autant  que  mon  Dieu  m'a  iusques  ici  donne  secours  au  besoin,  ie  ne  doute  pas  qu'il  ne  face  le  semblable  iusques  a  la  fin.  Voila  donc  comme  nous  ne  serons  point  redarguez  d'ingratitude,  assavoir,  quand  nous  reduirons  souvent  en  memoire  les  graces  de  Dieu,  pour  nous  confermer  tousiours  en  ceste  fiance  que  iusques  a  la  fin  il  ne  nous  deffaudra  point.  Et  cela  aussi  est  pour  nous  faire  surmonter  toutes  tentations,  combien  que  le  Diable  ait  beaucoup  de  moyens  et  d'obiets  pour  nous  divertir  du  bon  chemin,  nous  ne  laisserons  point  de  poursuyvre  outre.  Et  pourquoy?  d'autant  que  l'esperance  que  nous  aurons  ceuillie  de  ce  que  Dieu  nous  a  fait  sentir  de  sa  bonte,  sera  pour  nous  porter  par  dessus  toutes  tempestes  au  milieu  de  la  mer,  ce  nous  sera  un  batteau  ou  une  navire,  ou  comme  un  pont  pour  nous  faire  passer  outre:  bref  nous  aurions  tousiours  de  quoy  nous  fortifier,  moyennant  que  nous  ne  fermissions  point  les  yeux  a��  ce  que  Dieu  nous  monstre  iournellement  de  son  assistance.  Voila  en  general  ce  que  nous  avons  a>  retenir  de  ceste  sentence  de  Moyse:  tantost  les  choses  seront  plus  specifiees  par  similitudes.  Venons  a.  ce  qu'il  adiouste:  Qu'estans  parvenus  a  la  montagne  des  Amorrheens  il  a  dit:  Possedons  la  terre  laquelle  le  Seigneur  nostre  Dieu  et  le  Dieu  de  nos  peres  nous  a  promise.  Gar  elle  est  ici  devant  nous,  c'est  a  dire,  a  nostre  commandement:  comme  desia  il  en  avoit  parle.  Or  ce  n'est  qu'une  repetition  de  ce  que  nous  avons  veu.  Or  ici  Moyse  propose  la  promesse  que  Dieu  avoit  fait  au  peuple,  afin  de  le  certifier  tellement  qu'il  tienne  pour  tout  resolu  que  ceste  terre  est  sienne.  Et  pourquoy?  d'autant  qu'elle  luy  est  promise  de  Dieu.  Voici  ton  Dieu  ne  t'a  point  voulu  mentir,  ne  frustrer,  dit-il,  et  ainsi  que  tu  sois  tout  persuade,  que  ce  qu'il  a  dit,  il  l'accomplira.  Voila  pour  un  item.  Mais  afin  que  le  peuple  cognoisse  mieux  qu'il  ne  possede