7:651  651  VERA  ECCLESIAE  652  a  quibus  exagitandis  adeo  abstineo,  quia  tam  foeda  christiani  nominis  ludibria  meminisse  piget.  Isti  vero  nebulones,  ut  sunt  prostituti  pudoris,  etiam  summarum  absurditatum1)  minimam  correctionem  respuunt.  Unde  apparet,  nihil  eos  aliud  captare,  quam  ut  brevi  iterum,  quidquid  lucis  nostro  tempori  affulsit,  exstinctum  pereat.  Hic  porro  impudentiae  cumulus  est,  quod  missae  hodiernae  ritum  ab  Augustino  perspicue  monstrari  iactant.  Citatur  quidem  ab  illis  Epistola  ad  Paulinum,  quae  est  ordine  quinquagesima  nona.  Ego  autem,  ut  perpicue  appareat  quam  improbam  mentiendi  licentiam  sibi  indulgeant,  ex  lectione  ipsa  fieri  iudicium  patiar.  Sequuntur  genera  duo  mortuorum  memoriae,  quae  ut  antiquitus  fuerunt  culta,  ita  nunc  retineri  volunt  mediatores.  Mos  antiquus  fuit,  inter  sacrae  coenae  celebrationem,  apostolos  primariosque  [pag.  168]  martyres  et  maxime  vulgo  notos  nominare,  ut  talibus  exemplis  excitaretur  omnium  fides.  Secundo  loco  recitabant  eorum  nomina,  qui  recens  mortui  specimen  suae  pietatis  ad  extremum  ediderant:  ut  ita  solenne  haberent  suae  perseverantiae  testimonium.  Haec  omnia  quum  ad  christianae  unitatis  commendationem  valerent,  vivisque  stimulos  adderent  ad  imitandam  mortuorum  fidem,  et  nulla  subesset  adhuc  superstitio  :  nos  minime  improbamus,  ut  nihil  opus  fuerit  testimoniorum  congerie,  quam  mediatores,  ostentationis  potius  quam  doctrinae  causa,  coacervant.  Paulo  post  obrepsit  utrobique  corruptela.  Nam  et  usu  receptum  fuit,  ut  se  martyrum  precibus  iuvari  ecclesia  peteret,  suasque  vicissim  preces  interponeret  pro  impetrando  mortuis  refrigerio,  qui  in  fide  Christi  decesserant.2)  Ita  duplex3)  tam  martyrum  quam  aliorum  memoria  inducta  fuit.  Nec  vero  dissimulo,  quin  a  multis  saeculis  obtinuerit  utraque  superstitio.  Sed  in  religione,  cuius  unicum  est  fundamentum  aeterna  Christi  veritas,  non  multum  valere  debet  annorum  numerus.  Iam  de  priore  videamus.  Non  recitari  tantum  honoris  causa  nomina  martyrum,  atque  ut  pro  eorum  pietate  gratias  agamus  Deo,  mediatores  iubent,  sed  ut  eorum  precibus  etiam  iuvemur.  Ego  autem  tali  commemoratione,  quasi  profano  inquinamento,  pollui  dico  sacram  Christi  coenam.  Nam  quum  omnis  invocatio  pura  et  religiosa  esse  debeat,  tum  vero  mysterium  hoc  quum  celebratur,  reverentiam  invocandi  Dei  eius  conspectu  augeri  decet.  Porro,  Deum  rite  orari  negat  Paulus,  donec  edocti  [pag.  169]  simus  eius  verbo  (Rom.  10,  14).  Unde  constat  non  esse  legitimam  orandi  formam,  nisi  quae  sit  in  verbo  1)  des  plus  lourdes  absurditez  qui  leur  doyvent  quasi  crever  les  yeux.  2)  Postrema  haec  verba  absunt  ab  exemplari  gallico.  3)  triplex  Beza  et  Amst.