49:651  651  SERMONS  652  complaire  au  monde,  il  fust  si  vilein  que  de  s'aller  iouiller  en  idolatrie:  on  luy  pourroit  dire,  Tu  es  bien  lasche,  que  seroit-ce  donc  si  tu  voyais  la  mort?  Au  reste  il  y  avoit  entre  les  Corinthiens  encore  d'autres  choses,  comme  nous  avons  veu  que  la  paillardise  reignoit  entre  eux,  les  rapines,  contentions  et  choses  semblables.  Ainsi  aucuns  prenent  les  mots  de  l'Apostre  comme  s'il  accusoit  les  Corinthiens,  qu'ils  ont  bien  monstre  qu'ils  n'avoyent  gueres  de  zele  ni  d'affection  a  Dieu,  puis  qu'ils  ont  este  si  tost  abatus,  et  qu'en  somme  ils  se  sont  desbauchez.  Mais  quand  tout  sera  bien  examine,  on  trouvera  que  sainct  Paul  plustost  les  a  ici  voulu  consoler,  comme  s'il  moderoit  la  rigueur  de  ce  qui  a  este  traitte  ci  dessus.  Et  de  faict,  ce  qui  s'ensuit  le  monstre  bien,  a  scavoir  quand  il  adiouste  ceste  promesse,  que  Dieu  est  fidele,  et  ne  permettra  point  qu'ils  soyent  tentez  outre  leur  pouvoir-,  mais  donnera  bonne  issue.  Parlant  ainsi,  il  monstre  qu'il  les  veut  a  demi  excuser  :  non  pas  pour  faire  qu'ils  ne  sentent  leur  mal,  mais  afin  qu'ils  ne  soyent  point  par  trop  confus,  et  que  plustost  ils  prenent  courage  de  retourner  a  Dieu.  Et  de  faict,  il  nous  faut  tousiours  avoir  cest  esgard,  que  les  hommes  ne  soyent  engloutis  de  tristesse,  comme  il  est  dit  en  l'Epistre  seconde:  Et  la  raison  est,  pour  ce  que  si  un  pecheur  n'espere  que  Dieu  le  recevra  a  merci,  il  demeurera  la  cropissant  en  son  ordure:  et  en  la  fin  sera  du  tout  plonge  en  desespoir.  Il  faut  donc  que  les  pecheurs  pour  se  reduire,  esperent  que  Dieu  leur  sera  propice,  et  qu'ils  ne  soyent  point  tellement  effrayez,  que  tousiours  ils  ne  vienent  a  Dieu,  et  soyent  tout  resolus,  que  leurs  souspirs  et  gemissemens  seront  exaucez.  Or  desia  nous  avons  eu  des  menaces  rudes,  et  qui  estoyent  pour  estonner  les  infirmes  quand  sainct  Paul  disoit,  Regardez  ce  qui  est  advenu  au  peuple  ancien:  quest-ce  que  la  paillardise  a  la  fait?  En  un  iour  vingt  et  quatre  mille  ont  este  consumez.  Apres  quand  Dieu  a  fait  des  vengences  sur  l'idolatrie,  sur  les  murmures,  sur  les  meschantes  cupiditez,  et  choses  semblables:  pensez  vous  qu'il  vous  espargne  auiourd'huy?  Car  l'Eglise  de  Corinthe  n'estoit  qu'une  pongnee  de  gens:  ils  n'estoyent  qu'encores  de  nouveau  appelez  a  l'Evangile:  ils  n'estoyent  pas  de  longue  anciennete  l'heritage  de  Dieu:  mais  ce  bien  leur  estoit  advenu  quasi  contre  nature,  ainsi  que  sainct  Paul  en  parle  en  l'onzieme  chapitre  des  Romains,  que  nous  avons  allegue:  les  Corinthiens  donc  eussent  peu  estre  confus,  Helas  puis  que  nous  avons  este  si  pervers,  qu'ayans  gouste  la  grace  de  Dieu,  ayans  este  appelez  a  la  verite  de  l'Evangile,  nous  n'ayons  point  change  en  rien,  mais  que  nous  ayons  ainsi  despite  Dieu!  Nous  voici  donc  comme  un  peuple  reprouve:  il