48:651  651  SERMONS  652  vienent,  que  quand  nous  voyons  de  si  grandes  confusions  par  tout  que  nous  ne  scavons  que  devenir:  ii  nous  faut,  di-ie,  alors  preparer  a  porter  patiemment  telles  afflictions,  lesquelles  nous  ne  devons  trouver  estranges:  car  elles  nous  advienent  acause  de  l'ingratitude  qui  est  en  nous.  Nostre  Seigneur  ne  demande  que  de  se  monstrer  un  pere  doux  et  amiable,  et  si  nous  le  pouvions  souffrir,  il  monstreroit  que  ce  n'est  point  sans  cause  qu'il  nous  appelle  ses  enfans  delicats:  mais  puis  que  nous  sommes  si  rudes,  que  nous  ne  le  voulons  recevoir  ni  recognoistre  pour  pere,  ne  faut-il  point  qu'il  nous  punisse  pour  une  telle  mescognoissance  ?  Il  faut  que  nous  scachions  qu'il  n'aura  pas  moins  d'authorite  sur  nous  qu'un  pere  sur  un  enfant.  Mais  neantmoins  il  est  tousiours  Pere,  et  pourtant,  quand  il  nous  envoie  des  afflictions,  quelques  grandes  et  fascheuses  qu'elles  soyent,  ce  n'est  pas  qu'il  faille  que  nous  en  tombions  en  desespoir:  mais  il  faut  cognoistre  qu'elles  nous  advienent  pour  nostre  ingratitude.  Voyla  en  somme  comme  nous  devons  considerer  les  iugemens  de  Dieu,  et  que  ce  qu'ont  predit  les  Prophetes  est  accompli  devant  nos  yeux.  Or  venons  maintenant  a  la  consolation  que  met  le  Prophete,  c'est  ascavoir  que  quiconque  invoquera  le  nom  de  Dieu  sera  sauve.  S'il  n'eust  dit  que  ce  que  nous  avons  touche  ci  devant,  nous  fussions  tout  estonnez  :  car  ce  qui  y  est  recite  ne  nous  scauroit  causer  que  desconfort:  mais  voyla  la  consolation  qu'il  met  quant  et  quant,  que  si  nous  invoquons  le  nom  de  Dieu  nous  aurons  salut:  mesmes  au  milieu  des  plus  grans  troubles  et  divisions  qui  scauroyent  estre:  voire  quand  nous  aurions  les  enfers  prests  pour  nous  engloutir,  voyla  un  refuge  qui  nous  est  asseure,  moyennant  que  nous  mettions  nostre  fiance  en  Dieu  pour  l'invoquer.  Quand  un  homme  sera  en  tribulation  et  fascherie,  le  diable  aura  ceste  cautele  de  le  mettre  en  desfiance,  afin  qu'il  ne  puisse  avoir  acces  a  Dieu.  Mais  voyci  une  grande  consolation  que  nous  devons  avoir  en  ce  que  nous  voyons  que  Dieu  ne  nous  met  point  terme  prefix  pour  l'invoquer:  mais  que,  quand  nous  serions  comme  en  abysme,  nous  le  pouvons  invoquer  hardiment.  Car  tout  ainsi  que  le  Prophete  dit  que  celuy  qui  invoquera  le  nom  de  Dieu  sera  sauve,  aussi  au  contraire  celuy  qui  ne  Finvoquera  point  sera  damne,  voire  et  fust-il  comme  en  un  paradis.  Les  Anges  mesmes  sans  ceste  invocation  pourroyent  estre  reietez  de  Dieu,  ce  que  toutesfois  ne  se  peut  faire.  Mais  par  cela  nous  voyons  qu'il  est  impossible  de  pouvoir  consister  en  ce  monde  une  minute  de  temps  sans  invoquer  Dieu.  Et  pourtant  voyla  une  lecon  que  nous  devons  bien  souvent  recorder:  car  le  Prophete  prononce  une  sentence  sur  tous  ceux  qui  n'invoquent  point  le  nom  de  Dieu,  quand  il  dit,  Qui  invoquera  le  nom