35:651  651  S  E  R  M  O  N  S  652  n'ont  point  fait  cela,  que  Dieu  ne  l'ait  ordonne,  dit  Isaie.  Il  ne  faut  pas  que  nous  ayons  nostre  veue  seulement  attachee  aux  hommes,  pour  dire,  Ils  ont  fait  ceci  ou  cela:  mais  c'est  un  iugement  de  Dieu,  comme  s'il  estoit  la  assis  en  son  siege  iudicial,  qu'il  remist  son  Fils  unique  entre  les  mains  des  tyrans  et  des  meschans,  et  qu'il  voulust  qu'il  fust  la  abbatu  en  tout  opprobre,  et  qu'il  n'y  eust  nul  blasme  qui  ne  tombast  sur  luy.  Quand  donc  non  seulement  il  est  dit  que  les  hommes  n'ont  point  espargne  nostre  Seigneur  Iesus  Christ,  mais  que  c'est  Dieu  son  Pere:  (comme  aussi  il  en  est  parle  en  sainct  Iehan,  que  Dieu  a  tant  aime  le  monde,  qu'il  a  voulu  declarer  cela  en  la  personne  de  son  Fils,  d'autant  qu'il  l'a  expose  a  une  mort  tant  amere  pour  nous)  si  nous  eslevons  ainsi  nos  yeux  a  cognoistre  que  rien  ne  s'est  fait  en  la  personne  de  nostre  Seigneur  Iesus  Christ,  qui  ne  fust  determine  de  Dieu,  il  faut  conclure  que  si  Iesus  Christ  estoit  innocent  (comme  c'est  la  verite)  la  nos  pechez  ont  este  monstrez  a  veue  d'oeil,  et  que  tous  les  blasmes  et  opprobres  qui  luy  ont  este  faits,  devoyent  venir  sur  nous.  Cognoissons  donc  que  nous  sommes  dignes  que  toutes  creatures  s'arment  pour  demander  vengeance  contre  nous:  et  mesmes  combien  qu'elles  n'ayent  ne  bouche  ne  langue,  que  neantmoins  elles  ne  soyent  la  comme  pour  descouvrir  toutes  nos  hontes  et  tous  nos  vices;  tellement  que  nous  soyons  confus,  et  devant  le  ciel  et  devant  le  terre.  Voyla  ce  que  nous  avons  a  observer  en  premier  lieu:  car  ou  Dieu  auroit  ainsi  tormente  son  Fils  unique  a  la  volee,  ou  bien  il  faut  qu'il  nous  monstre  quelle  est  l'enormite  de  nos  pechez,  et  ce  que  nous  avons  deservi:  c'est  ascavoir  que  nous  soyons  blasmez  de  toutes  pars.  Il  est  vray  que  nous  ne  pouvons  souffrir  rien  qui  soit:  et  nous  sommes  tant  delicats,  que  si  on  touche  nostre  honneur,  nous  voudrions  incontinent  foudroyer:  mais  cela  est  a  cause  que  nous  ne  regardons  point  quels  nous  sommes,  et  ne  iugeons  point  si  c'est  a  tort  ou  a  droict  qu'on  nous  blasme.  Or  notons  que  combien  que  les  opprobres  que  nous  avions  meritez  ayent  este  abolis  en  la  personne  de  nostre  Seigneur  Iesus  Christ,  toutesfois  nous  avons  besoin  que  Dieu  nous  solicite  a  repentance:  et  que  quand  nous  ne  voudrons  point  de  nostre  bon  gre  entrer  en  examen,  pour  avoir  honte  de  nous,  il  suscite  des  hommes  qui  vienent  nous  esveiller:  et  d'autant  plus  que  nous  tascherons  de  nous  couvrir  de  vaines  excuses,  qu'il  mette  en  avant  nos  opprobres,  afin  qu'ils  soyent  cognus.  S.  Paul  entre  les  fruits  de  repentance  met  cestuy-ci,  que  pensans  a  nostre  vie  passee,  nous  baissions  les  yeux,  gemissions  devant  Dieu  et  ayons  honte  de  nous-mesmes.  Et  qui  est-ce  qui  le  fait,  voire  en  telle  perfection  qu'on  doit?  Plustost  nous  cherchons  par  hypocrisie  d'oublier  nos  fautes:  et