25:651  651  SERMON  V.  652  quand  Dieu  est  prest  de  le  conduire  iusques  a  la  fin.  Et  voila  pourquoy  Moyse  notamment  dit:  Qu'ils  Vont  veUi  comme  s'il  disoit  :  Vous  avez  resiste  a  vos  sens  naturels,  quand  vous  n'avez  point  chemine  selon  que  Dieu  vous  le  commandoit.  La  raison?  Cependant  que  vous  avez  souffert  d'estre  gouvernez  par  sa  main,  cependant  que  vous  avez  chemine  par  le  chemin  qu'il  vous  avoit  ordonne,  n'avez  vous  point  cognu  a  l'oeil  qu'il  vous  a  fait  surmonter  toutes  difficultez?  le  desert  par  lequel  vous  avez  passe,  n'estoit-ce  pas  comme  un  gouffre?  et  toutesfois  vous  en  estes  eschappez.  Qui  a  fait  cela,  sinon  que  vostre  Dieu  a  besongne  comme  par  miracles  envers  vous?  Quand  vous  avez  ouy  sa  voix,  vous  savez  qu'il  vous  est  advenu:  ie  vous  ay  dit:  II  ne  reste  sinon  que  nous  iouissions  de  la  terre  que  nostre  Dieu  nous  a  assignee  en  heritage.  Allons  combattons,  elle  nous  est  promise  de  nostre  Dieu,  il  ne  nous  frustrera  point.  Nous  avons  cognu  comme  il  a  besonge  puissamment,  il  parfera  son  oeuvre.  Voila  donc  ce  que  ie  vous  ay  mis  en  avant.  Et  alors  vous  n'avez  point  suyvi  comme  il  appartenoit.  Cognoissez  donc  vostre  ingratitude,  quand  vous  avez  refuse  d'entrer  en  l'heritage  que  Dieu  avoit  promis  a  vos  peres,  et  lequel  il  vous  avoit  appreste.  Or  cependant  nous  avons  a  recueillir  ici  en  premier  lieu  une  bonne  doctrine,  c'est,  d'autant  que  Dieu  nous  a  desia  declare  sa  bonte  en  faisant  sentir  sa  benediction,  que  nous  sommes  tant  plus  a  condamner,  si  nous  ne  reposons  du  tout  en  luy,  et  que  nous  n'y  mettions  nostre  fiance  pour  cheminer  hardiment,  et  sans  doute.  Car  si  Dieu  ne  s'estoit  iamais  declare  a  nous  par  experience,  encores  faut-il  que  nous  adioustions  foy  a.  sa  saincte  parolle:  et  c'est  bien  raison,  d'autant  qu'il  est  fidele,  et  que  sa  parolle  est  esprouvee  plus  qu'or  ni  argent,  comme  il  est  dit  au  Pseaume,  que  nous  luy  facions  cest  honneur,  de  croire  a  ce  qu'il  nous  dit  et  prononce.  Et  ainsi,  quand  il  n'y  auroit  que  le  mot  que  Dieu  auroit  prononce  de  sa  bousche,  c'est  pour  condamner  tout  le  monde,  sinon  qu'on  s'y  renge:  mais  quand  Dieu  a  ratifie  par  effect  ce  qu'il  nous  a  dit,  quand  il  nous  a  monstre  comme  a  veue  d'oeil,  que  ce  n'est  point  en  vain  qu'il  nous  a  donne  la  promesse,  qu'il  nous  a  fait  toucher  a  la  main  les  choses,  et  que  nous  avons  cognu  en  somme  quelle  a  este  sa  vertu,  et  comme  il  ne  defaut  point  aux  siens.  Apres  avoir  este  ainsi  enseignez,  si  encores  il  nous  avient  de  nous  rebecquer,  et  que  nous  ayons  le  col  dur,  que  nous  ne  puissions  plier  pour  nous  assuiettir  a,  ce  qu'il  nous  dira,  que  nous  n'ayons  nul  courage  de  luy  obeir:  ie  vous  prie,  ne  voila  point  une  condamnation  beaucoup  plus  grande  sur  nous?  Et  ainsi  que  faut-il  faire?  qu'un  chacun  de  nous  regarde  songneusement  tout  les  biens  que  Dieu  luy  fait,  et  qu'il  les  note,  et  qu'il  les  marque