23:651  651  SERMONS.  652  sont  expositeurs,  qu'il  y  a  l'Evangile,  qui  est  une  trompette  qui  doit  non  seulement  entrer  en  nos  aureilles,  mais  percer  toutes  nos  pensees  et  affections?  Quand  donc  Dieu  a  tant  de  moyens  pour  nous  retenir  en  la  purete  de  son  service,  si  nous  en  declinons,  et  que  les  hommes  nous  transportent  :  et  sous  umbre  que  nous  verrons  qu'une  telle  coustume  a  la  vogue,  qu'en  un  tel  abus  regne,  qu'il  est  receu  et  accepte,  que  nous  venions  [pag.  33]  nous  mesler  parmi  les  incredules  et  idolatres:  quelle  condamnation  sera-ee  a  nous,  veu  que  Melchisedec  a  persiste  en  telle  constance  et  fermete  de  sa  foy?  Ainsi  donc  apprenons  d'avoir  nos  yeux  dressez  a  Dieu,  nos  aureilles  comme  attachees  a  sa  parole,  et  tous  nos  sens  attentifs,  afin  de  ne  iamais  estre  destournez,  combien  que  nous  soyons  agitez  icy  bas  comme  en  une  mer,  et  que  les  vents  et  tourbillons  soufflent:  et  quand  il  y  aura  un  peuple  qui  tiendra  une  religion,  qu'il  y  aura  un  grand  Roy  qui  voudra  qu'on  se  gouverne  ainsi  et  ainsi,  apprenons  neantmoins  de  tousiours  nous  tenir  a  Dieu  seul,  et  qu'il  nous  suffise,  pour  faire  que  nous  ne  declinions  iamais  du  chemin  qu'il  nous  a  monstre  par  sa  parole:  et  que  la  clarte  de  la  Loy  et  de  l'Evangile  soit  tousiours  devant  nous,  et  que  nous  n'errions  point,  quand  nous  saurons  que  Dieu  est  nostre  conducteur.  Voila  donc  ce  que  nous  avons  a  retenir  quant  a  l'exemple  de  Melchisedec.  Or  venons  maintenant  au  texte  de  Moyse:  il  est  dit  que  {Melchisedec  Roy  de  Salem  a  offert  pain  et  vin,  et  estoit  sacrificateur  du  Dieu  vivant,  et  a  benit  Abram).  Il  faut  resouldre  ce  texte:  que  Melchisedec,  entant  qu'il  estoit  Roy,  a  receu  Abram,  et  luy  a  donne  pain  et  vin  pour  la  refection  de  luy  et  de  sa  compaignie:  et  en  qualite  de  sacrificateur,  qu'il  l'a  benit,  et  qu'Abram  aussi  luy  a  donne  les  decimes  [pag.  34]  de  toute  la  despouille.  Voici  donc  Melchisedec  qui  nous  est  mis  en  avant  Roy  et  Sacrificateur.  Et  nous  faut  bien  distinguer,  pour  prendre  les  actes  divers  selon  les  offices  ;  car  comme  desia  nous  avons  touche,  entant  qu'il  estoit  Roy:  il  a  exerce  liberalite  envers  Abram:  il  l'a  repeu  avec  sa  bande:  et  entant  qu'il  estoit  Sacrificateur  il  a  benit  Abram.  Or  c'estoit  une"chose  assez  commune  entre  les  anciens,  qu'un  Roy  fut  sacrificateur  :  comme  aussi  les  gens  profanes  monstrent  que  cela  a  este  en  usage  en  beaucoup  de  pais.  Oar  les  Roys  ne  se  contentans  pas  de  leur  estat,  appetoyent  aussi  par  ambition  d'estre  sacrificateurs,  pource  qu'il  leur  sembloit  qu'il  y  avoit  la  une  dignite  plus  sacree  qu'en  la  maieste  royale.  Et  voila  pourquoy  ils  se  sont  faits  sacrificateurs  souvent.  Et  de  fait  nous  voyons  que  cela  a  este  appete  avec  grandes  brigues,  et  que  ceux  qui  avoyent  credit  et  reputation,  se  sont  tousiours  voulu  avancer  en  cest  endroit:  mais  quoy  qu'il  en  soit,  si  est-ce  que  Moyse  recite  cecy