49:650  perseverance  est  un  don  singulier  de  son  Esprit,  et  qu'il  ne  le  fait  pas  a  tous.  Puis  qu'ainsi  est  donc  que  Dieu  nous  declare  qu'encores  que  nous  ayons  fait  merveilles  pour  un  temps,  et  que  nous  ayons  este  comme  de  petis  Anges,  et  miroirs  de  sainctete,  il  ne  faudra  qu'une  minute  de  temps,  il  ne  faudra  que  tourner  la  main,  que  nous  serons  trebuschez,  et  nous  adviendra  une  cheute  si  lourde,  que  nous  serons  a  honte  a  tout  le  monde,  qu'on  ne  daignera  pas  nous  regarder.  Quand  donc  nous  scavons  que  c'est  a  Dieu  de  nous  tenir  la  main,  il  y  a  bien  de  quoy  faire  bon  guet  sur  nous,  sans  toutesfois  que  nous  soyons  trop  transis,  et  que  nous  ne  scachions  ce  qui  sera  fait  de  nous.  Car  il  nous  faut  estre  resolus  que  Dieu  ne  delaissera  point  l'ouvrage  de  ses  mains  ^imparfait,  comme  il  est  dit  au  Pseaume.  Il  nous  faut  estre  asseurez  de  cela,  et  surtout  quand  il  est  question  de  nostre  salut:  comme  sainct  Paul  en  traitte  au  premier  chapitre  des  Philippiens,  que  nous  concluyons  que  Dieu  ne  nous  veut  point  tromper  quand  nous  serons  appuyez  sur  luy:  mais  qu'il  nous  guidera  iusques  a  la  fin,  et  que  iamais  sa  main  ne  nous  laschera.  Il  faut  que  nous  soyons  tout  resolus  de  cela:  mais  cependant  ce  n'est  pas  que  nous  ne  devions  et  soir  et  matin  regarder  quelle  est  nostre  infirmite:  et  que  si  d'autres  trebuschent,  que  nous  regardions  qu'il  nous  en  adviendroit  autant  ou  plus,  n'estoit  que  nous  fussions  soustenus  par  sa  main.  Toutesfois  et  quantes  donc  que  nous  verrons  nos  prochains  faillir,  que  nous  coignoissions,  Helas  !  a  quoy  tient-il  que  ie  ne  me  soye  desbauche  avec  cestuy  la,  et  que  ie  ne  soye  alle  d'un  train  commun?  C'est  d'autant  que  Dieu  a  eu  pitie  de  moy.  Et  que  la  dessus  nous  nous  sentions  tant  plus  tenus  et  obligez  a  luy.  Et  puis,  que  nous  soyons  incitez  a  le  requerir  qu'il  ne  permette  point  que  nous  choppions  et  trebaschions,  apres  que  nous  aurons  chemine  quelque  temps  en  son  obeissance.  Et  ainsi,  que  faisans  bon  guet  tout  le  temps  de  nostre  vie,  nous  continuyons  en  prieres  et  oraisons:  et  toutesfois  que  nous  ne  laissions  pas  d'estre  tout  resolus  que  Dieu  nous  donnera  aussi  bien  la  grace  de  perseverer,  comme  il  nous  a  mis  au  chemin  pour  bien  commencer.  Voyla  en  somme  ce  que  nous  avons  a  retenir  de  ceste  exhortation  qui  nous  est  ici  faite.  Or  sainct  Paul  adiouste,  que  les  Corinthiens  n'avoyent  este  touchee  que  d'une  tentation  humaine.  Aucuns  exposent  ceci,  comme  s'il  leur  estoit  reproche  qu'ils  ont  este  vaincus  bien  tost,  et  sans  rude  combat.  Comme  ce  seroit,  si  un  homme  n'estoit  point  menace,  et  que  neantmoins  pour  gratifier  aux  hommes  si  s'en  allast  idolatrer,  encores  qu'il  n'y  eust  point  de  persecution  manifeste,  encores  qu'il  ne  veist  point  de  feu  allume,  qu'il  ne  veist  point  de  prison  ne  rien  qui  soit,  et  que  pour  44