35:650  qu'il  fust  traitte  si  vilenement  qu'on  ne  daignast  pas  le  tenir  du  rang  des  plus  contemptibles:  mais  qu'il  fust  comme  un  ver  de  terre,  et  que  toutes  mocqueries  s'addressassent  a  luy.  Voyla  en  somme  ce  qui  est  traitte  en  ce  premier  membre.  Or  il  adiouste  quant  et  quant,  que  neantmoins  U  n'avoit  commis  nul  forfait:  pour  monstrer  que  le  Fils  de  Dieu  estant  innocent  en  sa  personne  a  voulu  recevoir  toutes  nos  charges,  desquelles  nous  eussions  este  accablez  :  car  il  ne  se  trouvera  creature  mortelle  qui  puisse  soustenir  ce  qui  a  este  porte  et  souffert  par  nostre  Seigneur  Iesus  Christ.  Et  ainsi  derechef  le  Prophete  nous  declare  que  ce  n'a  point  este  pour  ses  demerites,  ne  qu'il  fust  coulpable  en  rien,  quand  les  hommes  luy  ont  este  ainsi  ennemis  et  cruels,  et  ont  exerce  toute  tyrannie  sur  luy  :  mais  c'a  este  a  cause  de  nous.  Et  de  faict,  si  nous  contemplons  la  vie  de  nostre  Seigneur  Iesus,  on  ne  trouvera  pas  que  nul  ait  occasion  de  rien  attenter  contre  luy.  Vray  est  que  les  Sacrificateurs  disent  a  Pilate  que  s'il  n'eust  este  malfaiteur  ils  ne  l'eussent  pas  amene  devant  luy.  Tant  y  a  que  si  on  s'enquiert  des  malefices  de  Iesus  Christ,  c'est  qu'il  a  bien  fait  a  tout  le  monde:  car  il  a  illumine  les  aveugles,  il  a  fait  cheminer  les  boiteux,  il  a  guari  les  malades,  il  a  ressuscite  les  morts,  il  a  repeu  le  peuple  affame:  brief  on  ne  voit  sinon  que  toutes  les  richesses  de  la  bonte  et  misericorde  de  Dieu  estre  desployees  en  luy.  Et  comment  donc  a-il  este  ainsi  cruellement  persecute  des  hommes?  Il  faut  bien  que  cela  procede  d'ailleurs.  Voyla  donc  pourquoy  le  Prophete  nous  ramene  a  nos  fautes  et  offenses,  quand  il  parle  de  l'integrite  de  nostre  Seigneur  Iesus  Christ.  Car  il  ne  nous  faut  pas  estimer  qu'yci  le  Prophete  ait  voulu  simplement  iustifier  le  Fils  de  Dieu.  Ce  seroit  une  chose  trop  maigre  de  dire,  Voyla,  il  n'a  point  este  coulpable  de  rien,  mais  il  s'est  porte  en  telle  sorte  qu'il  doit  estre  aime  et  honore  de  tout  le  monde.  Cela  est  bien  vray,  mais  ceste  doctrine  seroit  par  trop  froide,  que  nostre  Seigneur  Iesus  eust  besoin  d'estre  excuse,  et  estre  exempte  de  tout  blasme.  Or  le  Prophete  a  bien  regarde  plus  haut  :  c'est  de  conioindre  ces  deux  articles  qu'il  met  yci:  c'est  ascavoir  que  Dieu  a  ainsi  expose  son  Fils  unique  a  tout  vitupere,  et  opprobre  et  neant*  moins  qu'il  a  este  innocent.  Si  les  hommes  se  fussent  eslevez  contre  luy  et  que  cela  ne  fust  point  advenu  par  la  providence  de  Dieu  et  de  son  conseil,  en  diroit  qu'ils  ont  este  poussez  d'une  rage,  et  cependant  nous  ne  trouverions  point  la  cause:  mais  il  est  dit,  C'est  la  main  de  Dieu.  Car  combien  que  les  Sacrificateurs  et  tous  les  Iuifs  en  general  et  les  gendarmes  ayent  este  incitez  du  diable  a  desgorger  tels  blasphemes  que  nous  lisons  en  l'Evangile  contre  nostre  Seigneur  Iesus,  toutesfois  si  est-ce  qu'ils