25:650  de  ce  passage,  afin  que  de  iour  en  iour  chacun  de  nous  s'efforce  d'y  mieux  profiter.  Et  s'il  y  a  de  l'ignorance  en  nous,  que  nous  cognoissions  que  c'est  de  nostre  vice:  que  nous  sommes  comme  povres  aneugles  iusques  a  ce  que  Dieu  nous  illumine  par  sa  grace.  Il  nous  le  faut  donc  prier  la  dessus,  qu'il  nous  ouvre  les  yeux  par  son  S.  Esprit.  Et  au  reste,  que  nous  n'ayons  point  les  aureilles  bouschees  pour  ne  point  ouir  ce  que  Dieu  nous  dit,  et  pour  pretendre  excuse  d'ignorance  de  nostre  malice:  mais  puis  que  Dieu  declare  qu'il  nous  a  monstre  par  sa  parolle  tout  ce  que  nous  avons  a  faire,  que  nous  soyons  la  retenus,  sans  appetter  quelque  nouveaute,  et  avoir  quelque  curiosite  folle,  que  nous  ne  luy  eschappions  iamais,  que  nous  ne  soyons  point  volages  pour  recevoir  toutes  choses  qui  se  presenteront  de  coste  et  d'autre.  Voila  donc  ce  que  nous  avons  a  noter  en  ce  passage,  afin  que  l'Evangile  soit  nostre  conduite,  puis  qu'ainsi  est  que  Dieu  nous  a  donne  maintenant  confirmation  et  de  sa  Loy,  et  de  ses  propheties,  et  que  nous  sommes  amenez  au  droit  but,  attendant  qu'il  nous  ait  recueillis  en  son  royaume.  LE  CINQUIEME  SERMON  SUR  LE  CHAP.  I.  V.  19.21.  DU  VENDEEDI  12E  D'AVRIL  1555.  Moyse  recite  en  ce  passage,  comme  il  a  exhorte  le  peuple  d'entrer  en  possession  de  l'heritage  qui  luy  estoit  promis  de  Dieu,  et  comme  il  luy  a  voulu  donner  courage.  Et  c'est  afin  que  le  peuple  cognoisse  son  ingratitude  et  sa  malice,  de  ce  qu'il  a  reiette  la  grace  qui  luy  estoit  offerte,  et  de  ce  qu'il  n'a  point  obei  a  Dieu,  mais  a  este  par  trop  addonne  a  ses  phantasies.  C'est  donc  comme  une  reproche  que  Moyse  fait  ici  aux  Iuifs,  afin  qu'ils  cognoissent  qu'il  n'a  tenu  qu'a  eux  qu'ils  n'ayent  plustost  iouy  de  la  grace  de  Dieu:  et  cependant  qu'a  l'advenir  ils  se  rendent  plus  dociles,  et  qu'ils  ne  soyent  plus  obstinez  ainsi  en  leur  perversite:  mais  si  tost  que  Dieu  parlera,  apres  avoir  ouy  sa  voix,  que  simplement  il  s'y  rengent.  Voila  en  somme  l'intention  de  Moyse.  Mais  cependant  il  entrelace  aussi  un  autre  propos,  c'est  qu'il  remonstre  au  peuple,  que  d'autant  a-il  moins  d'excuse,  quand  desia  il  avoit  experimente  la  bonte  de  son  Dieu,  estant  conduit  par  sa  main  forte.  Car  ce  qu'il  avoit  passe  un  desert  horrible  et  hideux,  cela  n'estoit  pas  sans  que  Dieu  luy  eust  assiste  d'une  vertu  singuliere  et  non  accoustumee:  le  peuple  ayant  oublie  ceste  bonte  qu'il  avoit  sen  tie,  et  de  laquelle  il  devoit  aussi  avoir  a  iamais  memoire,  il  se  fasche,  il  s'opiniastre,  et  ne  veut  passer  outre