23:650  qu'Elie  en  a  este  prochain  quand  il  alleguoit,  Et  que  sera-ce  plus?  Car  ils  ont  tue  tes  Prophetes,  et  ont  dresse  leurs  idoles  par  tout,  et  ie  suis  demoure  moy  seul.  Il  estoit  la  comme  un  povre  homme  effraye,  estant  prest  de  trebuscher  en  un  abysme.  Mais  quoy?  Dieu  Ie  console,  et  luy  dit  qu'il  en  a  encores  sept  mille,  c'est  a  dire  un  grand  nombre,  lesquels  il  a  reservez  a  soy,  qui  n'ont  point  fleschi  le  genouil  devant  Baal.  Ainsi  donc,  comme  i'ay  dit,  nostre  foy  seroit  ebranlee,  voire  abatue  du  tout,  si  nous  avions  [pag.  31]  cela  persuade,  que  Dieu  eust  tellement  delaisse  le  monde,  qu'il  n'y  eust  plus  nulle  Eglise.  Partant  apprenons  de  ne  point  iuger  selon  la  veue  de  nos  yeux  s'il  y  a  Eglise,  ou  non:  mais  plustost  renoncons  a  tous  regards,  par  ce  que  nous  sommes  advertis  que  Dieu  en  aura  souvent  quelque  petite  semence  cachee:  comme  le  grain  n'apparoit  pas  quand  il  y  aura  un  grand  monceau  de  paille,  cela  couvre  le  grain  qui  est  en  petit  nombre.  Ainsi  donc  quelque  fois,  il  semblera  bien  que  tous  les  fideles  soyent  exterminez  d'icy  bas:  mais  Dieu  a  des  moyens  incomprehensibles  pour  maintenir  les  siens,  et  faut  qu'il  soit  tousiours  adore  et  servi,  non  pas  qu'il  faille  cercher  l'Eglise  en  grande  multitude  ny  en  grand  bande,  qu'il  y  ait  ny  lustre  ny  pompe:  mais  qu'il  nous  suffise  que  Dieu  cognoit  les  siens.  Et  ainsi  departons-nous  de  toute  iniquite,  afin  que  nous  puissions  reclamer  son  nom,  et  que  nous  soyons  conioincts  avec  ceux  qui  nous  sont  freres,  combien  qu'ils  nous  soyent  incognus  :  car  cela  depend  de  l'adoption  de  Dieu,  quand  il  nous  testifie  par  le  Sainct  Esprit  qu'il  a  grand  nombre  de  fideles,  et  si  n'est  point  besoin  que  nous  les  cognoissions.  Pour  ceste  cause  il  veut  qu'ils  soyent  dispersez  ca  et  la,  et  que  mesmes  ils  n'ayent  nulle  reputation  devant  les  hommes:  mais  qu'ils  soyent  gens  contemptibles  et  mesprisez  [pag.  32]  brief  quon  n'en  cognoisse  rien,  non  plus  que  s'ils  estoyent  mis  sous  Ies  pieds.  Voila  donc  pour  un  item:  et  cependant  nous  avons  aussi  a  recueillir  une  exhortation  de  ce  passage,  c'est  de  ne  point  suyvre  la  plus  grande  compaignie.  Car  Melchisedec  se  pouvoit  adonner  a  idolatrie  comme  les  autres,  s'il  eust  regarde  ce  qu'ils  faisoyent.  Tout  a  l'environ  il  n'y  avoit  que  polution  du  service  de  Dieu,  tant  y  a  neantmoins  qu'il  continue  en  ce  qu'il  cognoist  estre  bon  et  droit,  selon  que  Dieu  l'a  enseigne.  Il  n'avoit  nulle  loi  escrite:  mais  Dieu  luy  avoit  donne  cognoissance,  tant  par  Noe  que  par  Sem,  de  ce  qui  estoit  necessaire  a  salut.  Or  si  une  instruction  si  petite  qu'a  peu  avoir  Melchisedec,  l'a  maintenu  constamment  en  la  purete  de  la  Religion,  quelle  excuse  aurons-nous,  quand  Dieu  se  ramentoit  assiduellement  a  nos  aureilles,  qu'il  y  a  Ia  Loy  qui  nous  monstre  comme  il  veut  estre  adore  et  servi,  qu'il  y  a  les  Prophetes  qui  nous  en