9:65  65  CONTRA  WESTPHALUM.  66  definitionis  vim  habere,  ac  si  non  alia  esset  corporis  Christi  κοιωνία?  Et  tamen  in  confusa  discordiarum  nostrarum  sylva  nihil  magis  reperit  plausibile,  quam  κοινωνίαν  ab  aliis  exponi  ius  societatis,  quod  nobis  datum  [pag.  42]  est  in  corpore  Christi,  ab  aliis  mysticam  ecclesiae  societatem.  Mihi  vero  si  libeat  veterum  scriptorum  dicta  hoc  modo  arrodere,  longe  gravior  inter  eos  reperietur  dissensio.  Sed  neque  huc  propendet  ingenium,  et  voluntas  abhorret,  ut  quoscunque  ipse  in  suas  partes  trahit,  sinistra  et  illiberali  mordacitate  impetam.  Quam  dextre  interea  et  probe  crimen,  quod  putabat  esse  odiosum,  amplificet,  breviter  monendi  sunt  lectores.  Eius  verba  sunt:  Quoties  ad  locum  Pauli  ventum  est  (1  Cor.  10,  16),  verba  eius  summo  conatu  depravant  sacramentarii.  In  margine  etiam  ascribit  insignem  notam:  Quid  sit  sacramentariis  κοινωνία  corporis  Christi.  Quid?  An  nos  saltem,  qui  aliter  loquimur,  excipere  non  debebat?  Evolvat  nostros  commentarios:  illic  occurret  non  spinosa,  sed  genuina  interpretatio,  quam  si  rumpatur  vel  crepet,  recipere  cogetur.  Nec  de  me  solo  affirmo:  sed  non  ignorant  periti  lectores  ab  aliis,  quos  infamat,  locum  hunc  nitide  et  explicite  fuisse  tractatum:  ut  facile  pateat  ipsum  inexplebili  rixandi  libidine  indefinitam  litium  materiam,  cuius  praetextu  se  excusat,  nimis  cupide  [pag.  43]  venari.  Certe  nominatim  me  provocans,  oblivisci  non  debuit  quid  ego  in  illum  locum  scripserim.  Verba  sunt:  Verum  est  fideles  sociari  per  Christi  sanguinem,  ut  unum  fiant  corpus:  verum  est  etiam  eiusmodi  unitatem  proprie  vocari  κοινωνίαν.  Idem  fateor  de  pane.  Audio  etiam  quid  Paulus  adiiciat  quasi  exegetice,  nos  effici  unum  omnes  corpus,  qui  eundem  communicamus  panem.  Atqui  unde,  obsecro,  illa  inter  nos  κοινωνία,  nisi  quia  sumus  Christo  coadunati  hac  lege,  ut  caro  simus  de  carne  eius,  et  ossa  ex  ossibus  eius?  Incorporari  enim,  ut  ita  loquar,  Christo  nos  oportet  primum  ut  inter  nos  uniamur.  Adde  quod  Paulus  non  tantum  de  mutua  inter  homines  communicatione  nunc  disputat,  sed  de  spirituali  Christi  et  fidelium  unione  ut  inde  inferat  sacrilegium  esse  non  ferendum,  ipsos  idolis  misceri.  Ex  circumstantia  igitur  loci  iudicare  licet  κοινωνίαν  sanguinis  esse  societatem,  quae  nobis  est  cum  Christi  sanguine,  dum  simul  omnes  nos  in  corpus  suum  inserit,  ut  vivat  in  nobis,  et  nos  in  ipso.  Figuratam  esse  loquutionem  fateor,  modo  non  tollatur  figurae  veritas,  hoc  est,  modo  res  [pag.  44]  quoque  ipsa  adsit,  nec  minus  sanguinis  communionem  anima  percipiat,  quam  ore  vinum  bibimus.  Postquam  autem  pro  arbitrio  stomachatus  est,  tandem  in  clausula  fatetur  a  fine  non  male  definiri  coenam,  ut  nostri  homines  fecerunt,  celebrem  vocantes  partae  redemptionis  memoriam:  sed  ita  dimidiam  partem  exponi,  non  rem  totam.  Quasi  vero  Galvim  opera.  Vol.  IX.