58:65  65  DE  IACOB  ET  ESAU.  66  ne  valent  rien  quant  a  Dieu:  toutefois  si  ont-ils  grande  apparence,  et  aussi  il  y  a  les  occasions.  On  verra  des  gens  d'estat  et  qualite,  qui  auront  grand  maniement,  ils  auront  la  vogue,  ils  seront  en  honneur  et  en  dignite,  et  mesmes  il  n'y  aura  point  d'avarice  trop  extreme:  bref,  il  y  aura  telle  honnestete,  qu'il  semble  que  ce  soient  des  Anges,  on  les  magnifiera  par  tout:  cependant  il  y  aura  des  povres  gens  mecaniques,  gens  de  labeur,  povres  idiots,  qui  n'auront  point  d'occasion  de  se  monstrer  beaucoup:  car  ils  seront  empeschez  en  leur  boutique  et  en  leur  petit  mesnage:  ils  travailleront  pour  nourrir  leurs  enfans.  On  n'orra  pas  grand  bruit  d'eux,  ils  ne  seront  pas  eloquens,  pour  monstrer  qu'ils  aient  grande  prudence:  et  aussi  quand  on  les  orroit  parler,  on  n'y  verroit  que  sottise,  voire  selon  l'oppinion  commune:  et  toutefois  Dieu  les  a  eleus  et  choisis.  Il  approuve  ce  qui  est  comme  de  nulle  valeur:  car  combien  qu'il  semble  que  ce  soient  choses  sordides,  qu'un  homme  soit  la  a  coudre,  ou  a  faire  quelque  autre  chose,  et  qu'il  travaille:  tant  y  a  que  c'est  un  service  que  Dieu  estime  plus  que  nous  ne  pouvons  pas  imaginer.  Ainsi  donc,  quand  nous  cognoissons  que  nous  ne  sommes  rien  en  apparence,  n'estimons  pas  toutefois  que  nostre  condition  soit  pire  pour  cela:  et  (comme  i'ay  dit)  que  nous  n'aions  point  de  honte  de  nostre  infirmite:  et  cependant  que  nous  ayons  les  yeux  elevez  en  haut  et  si  nous  sommes  couchez  aupres  des  cendres,  que  nous  sachions  qu'autant  en  est-il  avenu  a  nostre  Pere  Iacob,  qui  a  este  figure  de  tous  les  eleus  de  Dieu  et  de  ses  enfans.  Or  il  s'ensuit,  Que  Iacob  a  este  aime  de  la  mere,  et  Esau  du  pere.  C'est  bien  pour  monstrer  qu'il  n'y  a  pas  eu  perfection  en  Isaac,  telle  qu'elle  y  devoit  estre:  car  il  n'estoit  pas  ignorant  de  ce  qui  avoit  este  dit,  Que  le  plus  grand  serviroit  au  moindre:  il  cognoist  que  la  volonte  de  Dieu  est  telle,  qu'Esau  l'ame  quitte  et  la  place  et  le  degre  d'honneur  a  son  frere  :  et  cependant  il  aime  Esau:  II  semble  qu'en  cela  il  vueille  resister  au  conseil  de  Dieu.  Et  qu'y  sera-il?  Quand  il  adonnera  tout  son  amour  a  Esau,  si  estce  que  Dieu  regnera  a  la  fin,  et  faut  que  son  election  soit  ferme,  voire  quand  tout  le  monde  s'y  opposeroit.  Voila  donc  Isaac  qui  est  fort  estourdi:  mais  il  y  a  bien  encore  plus  :  car  il  semble  qu'il  soit  mene  d'une  affection  brutale.  Car  pourquoy  aime-il  Esau?  Pource  qu'il  lui  aporte  de  la  venaison.  Il  l'aime  donc  pour  la  friandise.  Voila  un  homme  desia  ancien:  et  a  cause  de  sa  vieillesse,  il  devoit  estre  pose  et  rassis  :  il  ne  doit  plus  estre  mene  de  ses  fols  appetis  et  volages,  et  que  pour  son  manger  et  pour  sa  friandise,  il  oublie  ce  que  Dieu  prononce,  voire  Calvini  opera.  Vol  LVIII.