54:65  65  SUR  LA  SECONDE  A  TIMOTHEE.  SIXIEME  SERMON.  Chap,  I,  v.  13-14.  Pource  que  Satan  scait  bien  que  la  vie  de  nos  ames  consiste  en  la  pure  doctrine  de  Dieu,  voila  pourquoy  il  s'efforce  tant  de  nous  en  priver:  et  quand  il  ne  peut  convertir  la  nourriture  en  poison,  il  tasche  de  la  corrompre  en  la  desguisant  en  sorte  qu'on  n'en  est  pas  droitement  repeu  comme  il  seroit  requis.  Vray  est  que  tousiours  le  diable  se  monstre  pere  de  monsonge,  corrompant  la  verite  de  Dieu  tant  qu'il  luy  est  possible:  mais  il  ha  divers  moyens  pour  ce  faire.  Car  si  Dieu  luy  lasche  la  bride,  ii  pervertit  tout,  et  falsifie:  comme  nous  voyons  qu'il  en  est  advenu  en  la  Papaute,  que  les  choses  sont  la  si  lourdes  et  si  exorbitantes,  qu'on  voit  bien  que  Satan  a  eu  la  bride  avallee,  et  que  c'a  este  une  horrible  vengence  de  Dieu,  de  ce  qu'il  a  permis  que  le  monde  fust  ainsi  aveugle  du  tout,  et  despourveu  de  sens  et  de  raison:  car  la  facon  qu'on  tient  sous  le  Pape,  est  si  brutale,  que  les  petis  enfans  en  pourroyent  estre  iuges.  Or  tant  y  a  que  les  plus  sages  y  sont  abusez:  mais  (comme  i'ay  desia  touche)  c'est  que  Dieu  donne  licence  a  Satan,  a  cause  des  pechez  du  monde,  quand  on  est  ainsi  abruti.  Or  si  le  diable  voit  qu'il  ne  puisse  du  tout  aneantir  la  bonne  doctrine,  et  la  convertir  ��n  mensonge,  il  la  desguisera  par  quelque  artifice,  tellement  qu'on  ne  la  cognoist  plus,  ce  n'est  pas  la  vraye  pasture,  pure  et  naifve:  comme  si  on  alloit  mesler  quelques  saupicquets  sur  des  viandes,  qui  en  feissent  perdre  le  goust,  que  cela  ressemblast  plus  ��stre  terre,  qu'avoir  quelque  saveur:  ainsi  le  diable  en  use-il  de  la  pure  doctrine:  quand  il  ne  la  peut  aneantir  du  tout  (somme  desia  i'ay  touche)  ii  la  destourne  a  sa  guise.  Pour  ceste  cause  sainct  Paul  dit  ici  a  Timothee,  Qu'il  garde  la  propre  forme  et  la  facon  d'enseigner  qu'il  avoit  ouye  de  luy.  Le  mot  qui  est  ici  couche,  emporte  autant  comme  un  pourtraict  tire  au  vif.  Sainct  Paul  doncques  ne  se  contente  pas  seulement  que  Timothee  garde  la  substance  de  ce  qu'il  avoit  apprins,  mais  il  veut  qu'il  suyve  les  traicts,  qu'il  y  ait  un  certain  style  pour  dire,  Voila  comme  l'Evangile  a  este  presche  en  sa  purete,  il  n'y  a  nul  changement,  nous  suyvons  tousiours  un  fil  continuel,  on  cognoist  que  c'est  ce  qui  a  tousiours  este  ouy.  Mais  voyons  maintenant  qu'emporte  ceste  sentence  de  sainct  Paul,  c'est  ascavoir  que  Timothee  suyve  tousiours  le  style  et  facon  d'enseigner,  sans  aucune  variete,  comme  du  premier  coup  ii  avoit  entendu  de  sainct  Paul.  Voila  pour  un  item.  Or  cependant  ��cachons  que  ceci  n'a  point  seulement  este  dit  pour  un  temps,  mais  que  le  sainct  Esprit  a  voulu  mon-  Calvini  opera.  Vol,  LIV.