52:65  65  CAPUT  IVI  66  lorum.  Amen.  21.  Salutate  omnes  sanctos  in  Christo  Iesu.  Salutant  vos  qui  mecum  sunt  fratres.  22.  Salutant  vos  omnes  sancti:  maxime  qui  sunt  ex  domo  Caesaris.  23.  Gratia  Domini  nostri  Iesu  Christi  cum  omnibus  vobis.  Amen.  15.  Nostis  autem.  Excusandi  causa  hoc  additum  interpretor,  quod  saepius  ab  illis  accipiat.  Nam  si  reliquae  ecclesiae  officium  fecissent,  nimius  accipiendo  videri  poterat.  Sic  igitur  se  purgando,  laudat  eos:  et  laudando,  modeste  aliis  parcit.  Nobis  etiam  cavendum,  Pauli  exemplo,  ne  pii,  dum  vident  nos  ad  accipiendum  nimis  propensos,  merito  inexplebiles  iudicent.  Vos,  inquit,  etiam  nostis:  quasi  diceret,  non  habeo  necesse  alios  citare  testes:  nam  ipsi  quoque  nostis.  Saepe  enim  contingit,  ut  qui  alios  cessare  in  officio  putat,  largior  sit  ad  succiwendum.  Ita  alios  aliorum  liberalitas  fugit.  In  ratione  dati  et  accepti.  Alludit  ad  rationes  pecuniarias,  quarum  duae  sunt  partes:  una  accepti,  altera  expensi.  Has  compensatione  mutua  referri  ad  aequalitatem  convenit.  Talis  erat  inter  Paulum  et  ecclesias  contracta  ratio.  Quum  evangelium  illis  ministraret  Paulus,  mutua  erat  obligatio  ad  suppeditandas  vitae  necessitates.  Quemadmodum  alibi  (1.  Corin.  9,  l  l  )  dicit,  spiritualia  vobis  si  impendimus,  quid  magni  si  carnalia  reddatis?  Itaque  si  Pauli  necessitati  subvenissent  aliae  ecclesiae:  nihil  gratuitum  dedissent,  sed  solvissent  debitum.  Acceptum  enim  referre  illi  debebant  evangelium.  Id  tamen  factum  negat  fuisse,  quia  nihil  expenderint  sua  causa.  Quam  turpis  ingratitudo  et  quantae  indignitatis  plena,  talem  apostolum,  cui  ultra  quam  pares  essent  solvendo  obstrictos  se  noverant,  negligere?  Quanta  rursus  sancti  viri  mansuetudo,  adeo  leniter  ac  mansueto  animo  ferre  eorum  inhumanitatem,  ut  ne  acerbiore  quidem  verbo  accuset?  17.  Non  quia  requiram  donum.  Iterum  sinistram  cupiditatis  immodicae  opinionem  a  se  reiicit:  ne  obliquam  insinuationem  esse  putent,  quasi  omnium  vices  soli  subire  debeant:  ipse  autem  eorum  facilitate  abutatur.  Testatur  ergo  se  non  tam  suo,  quam  ipsorum  commodo  ita  consulere.  Dum  accipio,  inquit,  a  vobis,  tantundem  vobis  accrescit.  Sunt  enim  totidem  nomina  quae  expensa  feratis  in  tabulas  rationum.  Pendet  huius  verbi  sensus  ab  illa  similitudine  permutationis,  aut  compensationis  in  re  pecuniaria.  18.  Accepi  omnia,  et  abundo.  Expressius  se  habere  affirmat  quantum  satis  sit,  et  illorum  liberalitatem  ornat  egregio  testimonio,  quum  dicit  se  impletum.  Erat  procul  dubio  mediocris  summa  quam  miserant:  sed  illa  mediocritate  abundare  se  dicit  ad  satietatem.  Verum  praestantius  est  elogium  muneris  quod  sequitur,  quum  illud  appellat  sacrificium  Deo