51:65  65  SUR  L'EPITRE  AUX  GALATES.  66  cependant  nous  ne  ferions  que  de  plus  en  plus  enflammer  les  contempteurs  de  Dieu  a  ce  qu'ils  ayent  tant  plus  d'audace.  Ii  faut  donc  (comme  i'ay  dit)  discerner  entre  les  uns  et  les  autres.  Car  quand  le  Prophete  Ezechiel  parle  du  bon  Pasteur,  ii  dit  qu'il  doit  supporter  les  brebis  qui  sont  foibles:  et  quancf  il  y  aura  quelque  vice,  qu'il  y  doit  donner  guerison  par  bons  remedes.  Mais  cependant  qu'il  tienne  en  facon  pareille  sans  discerner  entre  l'un  et  l'autre,  comment  se  monstreroit-il  pasteur  en  cela?  Autant  en  est-il  de  tous  ceux  qui  se  meslent  d'avertir  leurs  prochains  quand  ils  ont  failli.  Il  nous  faut  donc  avoir  esgard  a  la  personne.  Comme  s'il  y  a  quelque  gaudisseur  effronte  qui  se  precipite  iournellement  a  mal,  qui  ne  tienne  conte  de  la  parole  de  Dieu,  qui  ne  demande  sinon  comme  un  bouc  infect  de  mettre  corruption  par  tout  le  troupeau:  quelque  vilain  qui  soit  du  tout  addonne  a  meschancete,  celui-la  n'est  point  surprins  en  delict.  Et  pourquoy?  Car  desia  il  a  quitte  le  service  de  Dieu:  il  a  reiette  son  ioug  du  tout:  et  (comme  i'ay  desia  dit)  c'est  une  beste  furieuse  qui  dresse  les  cornes  contre  le  ciel.  Or  telles  gens  ne  meritent  pas  d'estre  supportez  avec  humanite,  et  sainct  Paul  aussi  les  retranche  et  les  forclost  en  ce  passage.  Mais  quand  nous  verrons  un  poure  homme  estre  abbatu  par  infirmite,  et  que  le  diable  l'aura  surpris,  et  que  nous  verrons  que  la  bonne  semence  qu'il  avoit  de  crainte  de  Dieu  n'est  pas  clu  tout  esteinte,  ii  nous  faut  estre  enclins  a  pitie  et  compassion.  Or  d'autant  que  nous  y  pourrons  tous  les  coups  faillir,  apprenons  encores  tant  mieux  d'invoquer  Dieu,  a  fin  qu'il  nous  gouverne,  voire  et  aussi  notons  bien  ce  que  sainct  Paul  adiouste,  Megarde  a  toy  que  tu  ne  sois  aussi  tente,  dit-il.  Ici  il  change  le  nombre.  Il  avoit  dit,  Freres,  si  quelqu'un  est  surpris,  redressez  -  le.  Maintenant  il  s'adresse  a  chacun.  Regarde  toy,  dit-il.  Or  c'est  a  fin  que  ceste  admonition  ait  plus  de  vehemence  et  qu'elle  nous  touche  de  plus  pres.  Car  nous  voyons  quand  on  parle  ainsi  en  general,  qu'un  chacun  pense  que  c'est  aux  autres  qu'on  s'adresse,  et  n'y  a  celuy  qui  ne  se  vueille  privileger  tant  qu'il  peut.  Si  donc  on  dit,  Voila  tous  sont  enclins  a  ceci  ou  a  cela:  et  bien,  il  a  parle  a  la  compagnie:  mais  nul  ne  en  est  touche  cependant  comme  il  doit.  Sainct  Paul  donc  expressement  change  ici  le  nombre  et  ne  se  contente  pas  d'avertir  tous  les  fideles  et  le  corps  de  l'Eglise  en  commun:  mais  il  attire  a  part  un  chacun  et  dit,  Regarde  a  toy,  et  examine  ce  qui  est  en  toy:  car  tu  pourras  aussi  estre  tente.  Or  il  n'y  a  nulle  raison  qui  nous  doive  plustost  induire  a  estre  humains  envers  ceux  qui  ont  failli,  que  quand  nous  cognoissons  que  nous  avons  aussi  besoin  d'estre  supportez.  Et  les  Payens  mesmes  Calvini  opera.  Vol.  LL