45:65  65  MATTH.  I.  66  braico  verbo  hiphil  jW'in,  quod  servare  significat.  Hebraice  quidem  aliter  pronuntiatur,  nempe  Iehoschua:  sed  evangelistae,  quum  graece  scriberent,  receptum  loquendi  usum  sequuti  sunt.  Nam  graeci  interpretes  tam  apud  Mosen,  quam  in  aliis  libris  transtulerunt  'ITJGOOV.  QUO  iterum  coarguitur  eorum  inscitia,  qui  nomen  Iesu  a  Iehova  detorquent  potius  quam  derivant:  ducunt  enim  illi  pro  magno  absurdo,  si  sacrum  hoc  nomen  commune  mortalis  quispiam  homo  habeat  cum  filio  Dei,  ac  tragice  exclamant,  nunquam  passurum  fuisse  Christum,  sic  nomen  suum  profanari.  Quasi  vero  non  sit  in  promptu  antistrepbon,  illis  hominibus  nomen  Iesu  non  minus  quam  Iehoschua  fuisse  commune.  Nunc  quia  satis  constat,  filium  Dei  sub  voce  Iesu  nobis  commendari  salutis  autorem,  propius  excutiamus  angeli  verba.  Salvum,  inquit,  faciet  populum  suum  a  peccatis.  Primo  tenendum  est,  perditos  in  se  ipsis  esse,  quibus  servandis  mittitur  Christus:  nominatim  autem  vocatur  ecclesiae  servator.  Si  in  morte  et  interitu  demersi  sunt,  quos  sibi  Deus  coniunxit,  donec  vitam  illis  restituat  Christus,  quid  de  extraneis  dicendum  erit,  quibus  nulla  unquam  affulsit  spes  vitae?  quare  statuendum  est,  totum  genus  humanum  exitio  addici,  dum  in  Christo  includitur  salus.  Verum  notanda  simul  est  exitii  causa:  neque  enim  nos  coelestis  iudex  temere  et  abs  re  maledictos  esse  pronuntiat.  Testatur  ergo  angelus,  nos  periisse,  ac  teneri  sub  misera  damnatione  oppressos,  quia  peccatis  nostris  alienati  sumus  a  vita.  Unde  nobis  ostenditur  naturae  nostrae  corruptio  et  pravitas:  nam  si  ad  iuste  vivendum  quispiam  esset  integer,  posset  Christo  liberatore  carere.  Atqui  omnes  ad  unum  indigent  eius  gratia:  sequitur  ergo,  peccati  esse  servos,  veraque  iustitia  destitui.  Hinc  rursum  colligimus,  qualis  sit  Christo  servandi  modus  vel  ratio:  nempe  quia  nos  a  peccatis  liberat.  Duae  porro  sunt  liberationis  huius  partes:  nempe  quod  peracta  expiatione  gratuitam  veniam  nobis  affert,  qua  exempti  a  reatu  mortis  reconciliemur  Deo:  deinde  quod  spiritu  nos  suo  sanctificans  a  Satanae  tyrannide  vindicat,  ut  iustitiae  vivamus.  Quare  non  vere  agnoscitur  servator  Christus,  donec  fide  amplecti  discamus  gratuitam  peccatorum  remissionem,  et  nos  coram  Deo  iustos  censeri  sciamus,  quia  absoluti  sumus  a  reatu:  deinde  spiritum  iustitiae  et  rectitudinis  ab  eo  petamus,  omni  et  operum  et  virtutis  nostrae  fiducia  vacui.  Christi  populum  procul  dubio  angelus  nominat  Iudaeos,  quibus  in  caput  et  regem  ordinatus  erat:  sed  quia  inserendae  paulo  post  erant  gentes  in  genus  Abrahae,  extenditur  haec  salutis  promissio  promiscue  ad  omnes,  qui  fide  in  unum  ecclesiae  corpus  coalescunt.  22.  Hoc  totum  factum  est.  Inscite  nugantur  et  pueriliter,  qui  contendunt  filio  Dei  ideo  impositum  Calvini  opera.  Vol.  XLV.