42:65  65  SUR  LB  XI.  CHAP.  DE  DANIEL.  66  sa  verite:  ainsi  donc,  si  nous  regardions  bien  quelle  cause  se  demene,  et  quelle  querelle,  nous  ne  trouverions  point  estrange  qu'il  nous  falist  exposer  nos  vies  en  souffrant,  et  le  feu,  et  l'espee,  comme  l'ange  en  parle  ici,  et  puis  combien  le  salut  des  ames  nous  doit-il  estre  cher  et  precieux,  quand  nous  voions  qu'elles  s'en  vont  en  perdition?  Si  i'estime  mon  ame  et  le  salut  eternel  qui  m'est  promis,  et  ne  doi-ie  pas  aussi  estimer  le  mesme  salut  qui  est  promis  a  mon  prochain,  ie  souffrirai  qu'il  s'en  aille  en  perdition,  et  i'y  puis  remedier,  la  chose  est  en  ma  main,  il  ne  reste  que  d'exposer  ma  vie,  faut-il  que  ie  l'espargne  en  cet  endroit?  Ainsi  donc,  quand  nous  oions  qu'il  est  ici  parle  de  l'espee  et  du  feu,  et  des  pillages,  et  toutes  autres  cruautes,  connoissons  quelle  est  nostre  office,  et  comment  c'est  que  Dieu  veut  que  nous  suivions  sa  parole,  et  faut  que  ceux  qui  sont  appeles  pour  porter  la  parole  de  Dieu  regardent  en  premier  lieu,  a  quoy  c'est  qu'il  les  oblige,  c'est  a  scavoir,  que  toutes  fois  et  quantes  qu'ils  montent  en  chaire,  et  qu'ils  ouvrent  la  bouche  pour  parler  au  nom  de  Dieu,  qu'il  faut  qu'ils  soient  prests  et  appareilles,  de  signer  par  leur  sang,  tout  ce  qu'ils  auront  annonce  de  bouche,  quand  il  en  sera  besoing,  que  s'ils  en  font  autrement,  ils  sont  doubles,  ils  sont  faussaires,  et  n'y  ba  qu'hipocrisie  en  eux:  voila  donc  a  quoy  c'est  que  se  doivent  apprester  tous  ceux  ausquels  Dieu  fait  la  grace  d'estre  messagers,  et  annonciateurs  de  sa  parole,  et  ainsi  en  doivent  faire  tous  ceux  qui  mesmes  ne  sont  point  constitues  en  telles  charges  publiques  d'enseigner,  et  toutesfois  ont  receu  telle  intelligence  de  l'esprit  de  Dieu,  qu'ils  sont  suffisans  pour  confermer  les  autres,  il  faut  qu'ils  s'emploient  la,  sans  s'espargner,  et  puis  en  general  qu'un  chacun  regarde  a  ce  qui  luy  est  donne,  qu'il  n'y  ha  nul  si  simple,  ne  si  ignorant,  qu'encores,  quand  Dieu  l'aura  appele  a  la  connoissance  de  son  Evangile,  il  ne  puisse  donner  quelque  bonne  exhortation  a  ses  prochains.  Il  faut  donc  que  depuis  le  plus  grand  iusques  au  plus  petit,  tous  connoissent  que  quand  Dieu  leur  ha  ordonne  cette  ouverture,  qu'il  les  ha  instruits  par  sa  parole,  que  c'est  a  fin  qu'un  chacun  enseigne  son  prochain,  et  qu'il  le  fortifie,  et  veut  que  nous  facions  cela  en  tout  temps:  mais  sur  tout,  en  temps  de  persecution,  or  ie  di  sur  tout  en  temps  de  persecution,  ce  qu'il  nous  faut  bien  noter,  car  auiourd'huy  le  temps  nous  contraint  a  ce  faire,  combien  qu'on  face  tout  le  contraire,  car  si  on  ha  parle  de  Dieu,  et  de  son  Evangile,  lors  qu'il  y  en  avoit  quelque  liberte,  et  qu'on  estoit  en  repos,  si  quelque  persecution  s'esmeut,  qu'on  menace,  qu'on  voie  que  quelqu'un  soit  emprisonne,  silence  par  tout,  il  n'est  plus  question  que  de  brusler  livres,  de  fermer  la  bouche,  et  faire  semblant  qu'on  ne  scait  que  c'est,  que  iamais  on  Calvini  opera.  Vol.  XLII.