41:65  65  IN  DANIELEM.  CAP.  VII.  66  quod  scilicet  confugerit  ad  doctorem,  quia  propriae  inscitiae  conscius  non  inveniebat  aliud  remedium.  Simul  etiam  docemur  exemplo  prophetae,  non  esse  cur  repudiemus  omnes  visiones,  sed  petamus  a  Deo  ipso  interpretationem.  Quanquam  hodie  Deus  non  loquitur  nobiscum  per  visiones:  sed  vult  nos  contentos  esse  lege  sua  et  evangelio,  sicuti  non  apparent  nobis  angeli,  neque  e  coelo  palam  et  conspicue  descendunt:  sed  quia  scriptura  nobis  obscura  est  propter  tenebras,  quibus  sumus  impliciti,  ideo  discamus  non  reiicere  quidquid  superat  captum  nostrum,  vel  ubi  caligo  aliqua  nobis  obiicitur:  sed  confugiamus  ad  hoc  remedium  quo  usus  est  Daniel,  non  ut  quaeramus  intelligentiam  verbi  Dei  ab  angelis,  qui  nobis  non  apparent,  sed  ab  ipso  Christo,  qui  familiariter  hodie  nos  docet  per  pastores  et  ministros  evangelii.  Nam  sicuti  nobis  datus  est  summus  et  unicus  magister  a  patre,  ita  etiam  exercet  munus  illud  doctoris  per  suos  ministros,  quos  nobis  praefecit.  Ergo  sicuti  Daniel  accessit  ad  angelum,  quia  propinquus  erat:  sic  hodie  iubemur  accedere  ad  eos  qui  instructi  sunt  dono  interpretationis,  et  qui  fideliter  possunt  nobis  exponere  quae  alioqui  essent  obscura.  Et  fiduciam  nobis  debet  addere  quod  continuo  post  sequitur,  angelum  loquutum  esse,  et  patefecisse  interpretationem  sermonum.  Significat  enim  Daniel  se  non  frustra  fuisse  modestum  et  humilem:  quia  Deus  angelo  mandavit,  ut  quae  obscura  erant  explicaret.  Sic  minime  dubium  est  quin  satisfacturus  sit  hodie  votis  nostris  Christus,  siquidem  erimus  veri  discipuli:  hoc  est,  si  postquam  terruerint  nos  mysteria,  quae  omnes  sensus  nostros  superant  et  absorbent,  confugiamus  tamen  ad  ordinem  illum,  quem  nobis  praescripsit,  nempe  ut  interpretationem  earum  rerum  quae  nobis  arduae  sunt,  et  obscurae,  et  prorsus  absconditae,  petamus  a  fidis  ministris  et  doctoribus.  17.  Hae  bestiae  magnae  quas  vidisti  quatuor  (sunt)  quatuor  regna  (quae)  exsurgent  e  terra.  18.  Et  sortientur  (obtinebunt)  regnum  sanctorum  excelsorum:  et  possidebunt  regnum  usque  in  saeculum,  et  usque  in  saeculum  saeculorum.  Hic  angelus  respondet  Danieli  de  quatuor  bestiis,  quae  per  visionem  ostensae  fuerant.  Dicit  igitur  esse  quatuor  regna,  quae  exorientur.  Per  nomen  regni  significat  monarchiam.  Scimus  enim  plures  fuisse  reges  Persarum,  donec  Alexander  ad  se  potentiam  illam  Orientis  transtulit.  Quamvis  igitur  Cyrus  septem  vel  octo  successores  habuerit,  tamen  fuit  illud  regnum  Persicum.  Et  iam  ante  vidimus,  quamvis  inter  se  partiti  fuerint  quidquid  Alexander  armis  acquisierat  quatuor  illi  successores:  tamen  esse  illud  regnum  macedonicum.  Idem  et  de  quarto  regno  dicendum  est:  quia  scimus  quotannis  creatos  Calvini  opera.  Vol.  XLI.