4:65  65  LIVRE  HI.  CHAPITRE  IL  perance  attend  qu'il  se  portera  tousiours  tel  envers  nous.*)  La  foy  croit  que  la  vie  eternelle  nous  est  donnee:  esperance  attend  que  nous  l'obtiendrons  une  fois.  La  foy  est  le  fondement  sur  lequel  esperance  repose:  esperance'nourrist  et  maintient  la  foy.  Oar  comme  nul  ne  peut  rien  attendre  de  Dieu,  sinon  celuy  qui  a  premierement  creu  a  ses  promesses:  aussi  derechef  il  faut  que  l'imbecillite  de  nostre  foy  soit  entretenue,  en  attendant  et  esperant  patiemment  afin  de  ne  point  defaillir.  Parquoy  sainct  Paul  parle  tresbien,  quand  il  constitue  nostre  salut  en  esperance  (Rom.  8,  24),  laquelle  en  attendant  Dieu  avec  silence,  retient  la  foy,  a  ce  qu'elle  ne  trebusche  par  se  trop  haster:  elle  la  conferme  a  ce  qu'elle  ne  vacille  point  es  promesses  de  Dieu,  ou  en  ait  quelque  doute:  elle  la  recree  et  reconforte,  a  ce  qu'elle  ne  se  lasse  point:  elle  la  conduit  iusques  a  son  dernier  but,  a  ce  qu'elle  ne  defaille  point  au  milieu  du  chemin,  ou  mesmes  en  la  premiere  iournee:  finalement  en  la  renouvelant  et  restaurant  de  iour  en  iour  elle  luy  donne  vigueur  assiduelle  pour  perseverer.  Encore2)  verrons-nous  plus  clairement  en  combien  de  sortes  il  est  mestier  que  la  foy  soit  confermee  par  esperance,  si  nous  considerons  de  combien  d'especes  de  tentations  sont  assaillis  ceux  qui  ont  une  fois  receu  la  parolle  de  Dieu.  Premierement  le  Seigneur  en  differant  ses  promesses,  souventesfois  nous  tient  en  suspens  plus  que  nous  ne  voudrions.  En  cest  endroit  c'est  l'office  de  la  foy  de  faire  ce  que  dit  le  Prophete:  assavoir  si  les  promesses  de  Dieu  sont  tardives,  que  nous  ne  laissions  point  de  les  attendre  (Hab.  2,  3).  Aucunesfois  aussi  non  seulement  Dieu  nous  laisse  languir,  mais  donne  apparence  d'estre  courrouce  contre  nous:  a  quoy  il  faut  que  la  foy  nous'subvienne,  afin  que  suyvans  la  sentence  de  l'autre  Prophete,  nons  puissions  attendre  le  Seigneur,  combien  qu'il  ait  cache  sa  face  de  nous8)  (Is.  8,  17).  Il  se  dresse  aussi  des  moqueurs,  comme  dit  sainct  Pierre,  qui  demandent  ou  sont  les  promesses,  et  ou  est  la  venue  de  Iesus  Christ  (2  Pierre  3r  4):  veu4)  que  depuis  la  creation  du  monde,  toutes  choses  vont  en  un  mesme  train.  Voire  mesme  la  chair  et  le  monde  nous  suggerent  cela  en  l'entendement.  Icy  il  faut  que  la  foy  estant  soustenue  et  appuyee  sur  l'esperance,  soit  fichee  et  s'arreste  du  tout  a  contempler  l'eternite  du  royaume  de  Dieu,  afin  de  reputer  mille  ans  comme  un  iour  (Ps.  90,  4;  2  Pierre  3,  8).  43.  Pour  ceste  affinite  et  similitude,  l'Escriture  aucunesfois  confond  l'un  avec  l'autre  de  ces  deux  vocables,  Foy  et  Esperance:  comme  quand  1)  1541  s.:  qu'il  se  revelera  estre  tel  envers  nous.  2)  1562:  Et  encore.  3)  de  nous,  le  latin  dit:  a  Iacob.  4)  Le  latin  ajoute:  ex  quo  patres  dormierunt.  Calvini  opera.  Vol.  IV.