39:65  65  IN  IEREMIAM.  CAP.  XXXIII.  QQ  Christo,  hanc  rationem  nunc  sequitur  Ieremias,  ut  vidimus  etiam  aliis  locis,  praesertim  cap.  23  ex  quo  repetitur  hoc  vaticinium.  Promiserat  ergo  Deus  populum  fore  reducem:  deinde  promiserat  se  fore  ita  propitium,  ut  populum  ipsum  incolumem  tueretur.  Iam  adiungit,  Diebus  illis,  et  tempore  illo  excitabo,  germinare  faciam.  Nam  33.  cap.  ponitur  illud  verbum  TlDpn  surgere  faciam  :  hic  autem  germinare  faciam  Davide  germen:  illic  legitur  germen  iustum  pntf  PiDS,  sed  eodem  sensu.  Cur  de  semine  Davidis  nunc  loquitur  propheta:  non  est  sermo  abruptus  sed  quia  semper  animi  fidelium  vacillassent,  nisi  Christo  in  medium  proposito,  in  quo  aeternum,  et  inviolabile  Dei  foedus  fundatum  est  Atqui  non  poterant  concipere  ullum  gratiae  Dei  gustum,  nisi  cognoscerent  se  fuisse  ab  ipso  gratis  electos.  Adoptio  igitur  ipsa  fuit  fundamentum  foederis,  deinde  Christus  ipse  fuit  arra  et  pignus  tam  foederis  quam  adoptionis  gratuitae.  Hinc  fit  ergo,  ut  propheta,  dum  vult  obsignare  suum  vaticinium,  iubeat  fideles  in  Christum  aspicere.  Ponit  autem  dies  illos  et  tempus  illud,  quia  ut  dicitur  in  proverbio,  Etiam  celeritas  mora  est  ubi  ardemus  aliquo  desiderio.  Iam  poterat  longior  mora  afferre  taedium  Israelitis.  Ergo  ut  se  ipsos  non  praecipitent  nimia  festinatione,  ponit  dies  illos,  et  tempus  illud,  nempe  si  differat  Deus  ut  ipsi  quoque  se  ipsos  cohibeant,  Faciam,  inquit,  germinare  Davidi  germen  iustum.  Non  dubium  est  quin  hic  locus  debeat  intelligi  de  Christo.  Scimus  hoc  fuisse  satis  tritum  apud  Iudaeos,  quoties  prophetae  illis  pollicebantur  germen  istud  Davidis,  se  revocari  ad  Christum.  Fuit  ergo  haec  ratio  docendi  familiariter  Iudaeis  cognita:  imo  prophetae  interdum  nominant  Davidem  ipsum,  non  autem  filium  eius:  Suscitabo  Davidem.  David  autem  erat  mortuus,  et  cadaver  eius  erat  in  cineres  ac  pulverem  redactum  :  sed  sub  eius  persona  designant  prophetae  Christum.  Ergo  quantum  ad  hunc  locum  spectat.  Iudaei  prodent  suam  impudentiam  cum  magno  ludibrio,  si  tergiversentur,  et  conentur  trahere  locum  hunc  alio  quam  ad  Christum.  Hoc  posito,  si  quis  sciscitetur  nunc  a  Iudaeis,  quomodo  completa  fuerit  haec  prophetia,  necesse  est  ipsos  agnoscere  exhibitum  fuisse  Christum,  vel  abrogare  omnem  fidem  tam  Ieremiae  quam  Deo.  Certum  enim  est  Ieremiam  hic  celebrare  gratiam  liberationis  hoc  maxime  nomine,  quia  paulo  post  venturus  erat  redemptor.  Nam  reditus  ille  in  patriam  qualis  fuit  per  se?  Scimus  Iudaeos  etiam  inter  prima  exordia  fuisse  miseros  :  quanquam  tunc  maxime  floruit  eorum  felicitas,  tandem  fuerunt  crudeliter  tractati  sub  Antiocho  et  aliis  regibus  Syriae:  fuerunt  omnibus  impiis  semper  expositi,  ut  pro  libidine  ipsos  diriperent  ac  vexarent.  Ergo  toto  illo  tempore  quod  praecessit  Christi  adventum,  non  praestitit  Deus  quod  pollicitus  fuerat  per  Iere-  Calvini  opera.  Vol.  XXXIX.