35:65  65  IOB  CHAP.  XXXIII.  66  nostre  fiance  en  luy,  comme  il  nous  faut  vivre,  et  comme  il  faut  que  nous  l'invoquions.  Nous  a-il  monstre  cela?  Et  bien,  arrestons-nous  y  du  tout,  et  nous  contentons  de  ce  qu'il  nous  revele  en  l'Escriture  saincte:  car  il  cognoit  ce  que  nostre  entendement  porte:  et  aussi  ce  qu'il  nous  a  declare  n'est  point  trop  obscur,  moyennant  que  luy  facions  cest  honneur  de  le  recevoir  en  toute  humilite,  et  que  nous  ne  soyons  point  si  enragez  ou  outrecuidez  de  vouloir  entendre  ce  qu'il  nous  veut  cacher,  et  de  ne  point  accorder  qu'il  soit  iuste  sinon  qu'il  nous  monstre  pourquoy.  Comme  nous  voyons  qu'il  y  en  a  qui  diront,  O  ie  n'en  croy  rien,  car  cela  surmonte  ma  portee.  Vilain  crapaut,  que  tu  oses  ainsi  blasphemer  a  l'encontre  de  Dieu,  d'autant