33:65  65  IOB  CHAP.  I.  66  que  Satan  ne  cesse  de'  eircuir  le  monde  et  qu'il  est  tousiours  a  la  chasse,  qu'il  n'est  point  oisif:  et  pourquoy?  Pource  qu'estant  ennemi  de  nostre  salut,  il  ne  demande  sinon  nous  mener  en  une  mesme  perdition  en  laquelle  il  est  venu.  Quant  a  ce  que  Dieu  parle  ici  :  N'as  tu  point  considere  mon  serviteur  Iob,  homme  droit,  et  entier,  qui  craint  Dieu,  et  se  retire  du  mal?  C'est  pour  signifier  que  Dieu  despite  Satan  en  ceux  ausquels  ii  a  fait  grace  de  cheminer  selon  sa  volonte.  Et  en  cela  voyons-nous  a  quelle  condition  Dieu  nous  a  mis  au  monde,  c'est  que  nous  soyons  ici  comme  miroirs  de  sa  vertu:  quand  il  nous  a  fait  ce  bien  de  nous  gouverner  par  son  sainct  Esprit,  il  nous  met  comme  sur  un  eschaffaut,  afin  que  sa  bonte  et  misericorde  se  cognoisse  en  nous,  et  sur  cela  il  se  glorifie  contre  Satan  en  nos  personnes.  Or  c'est  nn  honneur  inestimable  que  Dieu  nous  fait,  quand  il  nous  choisit,  nous  povres  vers  de  terre,  pour  estre  glorifie  en  nous  contre  Satan,  et  qu'il  fait  ses  triomphes  sur  nous.  Regardons  que  c'est  des  hommes.  Helas!  et  Dieu  en  pourra-il  rien  tirer  qui  puisse  servir  a  sa  gloire?  Il  est  bien  certain  que  non:  car  il  n'y  a  que  mal.  Mais  quoy?  Dieu  apres  nous  avoir  choisis,  espand  de  son  sainct  Esprit  sur  nous,  et  nous  eslargist  de  ses  graces,  et  la  dessus  il  veut  estre  glorifie  en  nos  personnes,  et  en  fait  ses  triomphes  a  l'encontre  de  ses  ennemis.  Or  par  cela  nous  sommes  admonnestez,  quand  il  plaira  a  Dieu  de  nous  exercer  en  beaucoup  de  combats,  et  de  tentations,  de  ne  point  trouver  la  chose  estrange:  mais  quand  nous  aurons  entendu  que  Dieu  nous  exerce,  le  fruict  qui  procede  de  nos  combats,  nous  doit  bien  contenter,  c'est  assavoir  que  Dieu  soit  glorifie,  que  sa  vertu  soit  cognue,  afin  que  Satan  demeure  confus  en  tous  ses  efforts.  Quand  donc  l'issue  de  nos  combats  est  telle,  et  si  heureuse,  ie  vous  prie  ne  les  devons-nous  pas  porter  patiemment?  Au  reste  tout  ainsi  que  Dieu  despite  Satan  en  la  personne  de  Iob,  aussi  nous  avons  a  despiter  tous  nos  ennemis,  quand  ceste  protection  de  Dieu  nous  est  bien  imprimee  au  coeur,  et  que  nous  cognoissons  que  c'est  luy  qui  habite,  et  qui  regne  en  nous  par  son  sainct  Esprit,  que  c'est  luy  qui  nous  garde,  et  nous  sert  de  rempart,  et  de  forteresse.  Et  voila  aussi  comme  sainct  Paul  en  parle  au  huitieme  des  Romains  (v.  10).  Car  apres  avoir  monstre  que  les  fideles  sont  invincibles,  quand  l'Esprit  de  Dieu  leur  est  un  tesmoignage  de  vie,  il  dit  que  combien  qu'ils  ne  l'ayent  pas  receu  en  plenitude  et  perfection,  toutesfois  encores  qu'ils  n'en  ayent  qu'une  petite  goutte,  si  est-ce  que  c'est  une  semence  de  vie  pour  les  asseurer  que  Dieu  accomplira  ce  qu'il  a  commence.  Quand  donc  les  fideles  ont  une  telle  certitude,  que  Dieu  leur  a  donne  de  son  sainct  Esprit,  afin  de  Calvini  opera.  Vol.  XXXIII.