31:65  ��5  PSALMUS  V.  66  Nec  placet  quod  T  ^  S  quidam  ad  Deum  referunt,  ita  vertentes:  Tu  solus  Domine  in  fiducia  locasti  me,  quia  sublata  antithesi  inter  duo  adverbia  Simul  et  Seorsum,  vel  solitarie,  multum  gratiae  ex  sententia  decedet.  In  summa,  gloriatur  sibi  ita  sufficere  unius  Dei  tutelam,  ut  sub  ea  non  minus  secure  dormiat,  licet  omnibus  humanis  custodiis  nudatus,  quam  si  multas  circum  se  excubias  haberet,  vel  undique  munitus  esset  multis  sodalibus.  Itaque  eius  exemplo  discamus  hunc  honorem  Deo  tribuere,  quoties  ab  hominibus  nihil  defensionis  apparet,  ut  sola  eius  manus  instar  ingentis  exercitus  in  pace  nos  contineat.  PSALMUS  T.  ARG.  David  graviter  iniusta  hostium  saevitia  oppressus,  et  plus  adhuc  malorum  metuens,  Dei  auxilium  implorat.  Quo  autem  facilius  impetret  quod  petit,  postquam  ex  precandi  ardore  magnitudinem  doloris  sui  ostendit  primo  hostium  suorum  intolerabilem  malitiam  profert,  quam  a  Deo  relinqui  inultam  absurdum  foret.  Deinde  fidem  et  patientiam  suam,  consolationem  etiam  inserit,  quasi  de  prospero  successu  nihil  dubitet.  Tandem  concludit,  ubi  liberatus  fuerit,  fructum  gratiae  piis  omnibus  fore  communem.  1.  Praefecto  super  Nehiloth  Canticum  David.  Hebraicam  vocem  quidam:  Haereditates,  alii:  Exercitus  vertunt.  Priores  hanc  rationem  afferunt  suae  sententiae,  quod  David  pro  salute  duodecim  tribuum  precatus  sit.  Alteri  vero,  quia  obsessus  ab  ingenti  hominum  multitudine,  se  contulerit  ad  Dei  praesidium,  atque  ita  particula  super  valebit  contra.  Sed  quia  aenigmaticas  istas  inscriptiones  non  probo,  libenter  subscribo  eorum  sententiae,  qui  vel  instrumentum,  vel  tonum  inusicum  fuisse  docent:  de  specie  autem  non  admodum  laboro.  2.  Verba  mea  ausculta  Iehova,  intellige  sermonem  meum.  3.  Adverte  ad  vocem  clamoris  mei,  rex  meus,  et  Deus  meust  quia  ad  te  precabor.  Non  audeo  certo  statuere,  uniusne  solum  temporis  quas  ab  hostibus  suis  iniurias  perpessus  est,  deploret  "hoc  Psalmo  David  :  an  vero  generaliter  de  variis  persequutionibus  queratur,  quibus  diu  vexatus  fuit  sub  Saule.  Eum  etiam  quidam  ex  Hebraeis  ad  Absalom  usque  extendunt,  quia  per  viros  dolosos  et  sanguinarios  putant  Doeg  et  Achitophel  notari.  Mihi  tamen  magis  probabile  videtur,  quum  Saule  mortuo  tranquillam  regni  possessionem  adeptus  foret  David,  preces  quas  in  suis  aerumnis  et  periculis  meditatus  fuerat,  scriptis  mandasse.  Iam  ut  verba  tractemus,  quod  rem  unam  tribus  modis  exponit,  Calvini  opera.  Vol.  XXXI.