28:65  65  SUR  LE  DEUTER.  CHAP.  XXIII.  66  ce  que  Moyse  adiouste  touchant  les  bastards.  Dieu  a  voulu  monstrer  eu  premier  lieu  quel  privilege  il  avoit  fait  a  la  lignee  d'Abraham.  Et  c'estoit  afin  que  sa  grace  fust  tant  mieux  cogneue.  Voila  Dieu  qui  avoit  choisi  de  tout  le  monde  un  certain  peuple.  Et  pourquoy?  Nous  avons  veu  par  ci  devant  qu'il  n'y  avoit  nulle  dignite:  mais  cela  procedoit  d'amour  gratuit.  Or  pource  que  les  hommes  volontiers  obscurcissent  la  grace  de  Dieu,  ou  la  mettent  en  oubli,  ou  bien  ne  la  cognoissent  pas  comme  ils  doivent,  Dieu  a  voulu  que  les  enfans  d'Abraham,  devant  qu'entrer  au  Sanctuaire  cogneussent:  Pourquoy  avons-nous  accez  a  nostre  Dieu?  Pourquoy  est-ce  qu'il  se  rend  familier  a  nous,  et  qu'il  nous  recoit  quand  nous  venons  a  luy?  C'est  pource  qu'il  a  eleu  la  semence  d'Abraham,  voire  sa  semence  legitime.  Nous  voyons  donc  comme  Dieu  a  voulu  faire  sentir  a  ceux  qui  estoyent  descendus  de  la  race  d'Abraham,  que  sans  qu'ils  eussent  rien  merite,  ils  avoyent  este  choisis  pour  estre  l'heritage  de  Dieu  eternel:  II  leur  a  (di-ie)  declare  cela,  et  les  a  exercez  en  la  memoire  d'un  tel  benefice,  afin  qu'il  fust  mieux  recogneu  entre  eux.  C'est  (di-ie)  ce  que  nous  avons  a  noter.  Au  reste,  par  ce  moyen-la  Dieu  a  tenu  la  bride  plus  estroite,  afin  que  les  Iuifs  se  maintinssent  en  purete  et  chastete,  et  qu'il  n'y  eust  point  de  paillardise  ni  de  confusion  entre  eux,  tellement  qu'on  ne  cogneust  plus  quels  seroyent  les  enfans  bastards  et  legitimes:  qu'il  n'y  eust  nulle  discretion  en  cela.  Quand  donc  Dieu  a  ordonne  ceste  loy,  il  a  donne  occasion  aux  Iuifs  do  vivre  plus  chastement,  afin  que  leur  lignee  fust  saincte,  et  non  point  prophane:  que  celuy  qui  eust  paillarde,  devoit  penser:  Comment?  Dieu  m'a  esleu  devant  que  ie  fusse  ne,  pource  que  ie  suis  des  enfans  d'Abraham:  et  ne  s'est  point  encores  contente  de  cela,  mais  a  declaire  qu'il  seroit  mon  Sauveur  iusques  en  mille  generations  :  il  accepte  ma  lignee,  il  la  dedie  a  soy  :  combien  que  nous  soyons  tous  maudits  de  nature,  voila  ceste  grace  d'adoption  qui  surmonte  en  mon  lignage.  Et  maintenant  i'iray  susciter  une  semence  pollue,  qui  ne  sera  point  du  peuple  de  Dieu,  du  corps  de  son  Eglise,  qui  n'aura  point  accez  au  sanctuaire:  n'est-ce  pas  renoncer  au  benefice  de  mon  Dieu?  N'est-ce  pas  le  forclorre  loin  de  moy,  et  ne  luy  donner  nul  accez,  quand  il  m'appelle  si  doucement?  Voila  (di-ie)  ce  qui  devoit  retenir  les  Iuifs,  ou  ils  estoyent  plus  que  stupides:  c'estoit  une  ingratitude  trop  lasche  et  mescognoissance  du  bien  qui  leur  avoit  este  ottroye  de  Dieu.  Et  ainsi,  maintenant  pour  appliquer  a  nostre  instruction  ces  deux  passages:  combien  qu'auiourd'huy  Dieu  ne  regarde  point  s'il  y  a  greveure  au  corps  d'un  homme,  et  ne  regarde  point  aussi  le  parentage:  neantmoins  si  veut-il  que  ceste  loy  nous  serve,  et  Calvini  opera.  Vol  XXVIII.