27:65  65  SUR  LE  DEUTER.  CHAP.  X.  66  sera  racle  quand  ce  viendra  devant  Dieu.  Voila  ce  que  nous  avons  a  retenir.  Or  il  adiouste  pour  declaration  :  Que  Dieu  fait  droict  a  Vorphelin,  a  la  vefve,  et  a  T  estranger:  que  Dieu  visite  V  estranger,  en  luy  donnant  dequoy  se  vestir  et  dequoy  se  nourrir:  mesmes  il  remonstre  aux  Iuifs,  qu'ils  avoyent  este  estrangers  en  la  terre  d'Egypte,  et  qu'ils  devoyent  se  souvenir  de  ceste  condition-la,  afin  d'exercer  toute  humanite  envers  les  estrangers.  Ceci  est  pour  approbation  de  la  doctrine  que  nous  avons  maintenant  touchee,  c'est  assavoir  que  Dieu  n'a  point  esgard  aux  personnes.  Et  qu'ainsi  soit,  dit  Moyse,  les  vefves,  les  orphelins,  les  estrangers  seront  tourmentez  en  ce  monde,  ils  n'auront  nul  support,  on  laissera  molester  une  vefve,  les  orphelins  seront  en  proye,  les  estrangers  seront  exposez  a  toutes  iniures,  et  nul  ne  s'y  oppose.  Et  pourquoy?  O!  il  semble  que  puis  qu'ils  n'ont  point  d'adveu  en  ce  monde,  qu'ils  n'ont  ne  parens  ni  amis,  qu'ils  peuvent  bien  souffrir  tout:  le  monde  s'accoustume  a  cela.  Or  au  contraire  il  est  dit  que  Dieu  est  le  tuteur  des  orphelins,  le  deffenseur  des  vefves,  et  le  protecteur  des  estrangers.  Cela  est  bien  contre  la  facon  commune  des  hommes:  car  comme  desia  nous  avons  dit,  on  s'addonne  de  faire  plaisir  a  ceux  qui  le  pourront  revaloir:  les  parens  et  amis  s'aideront  les  uns  les  autres,  cependant  les  povres  gens  seront  destituez.  Or  voici  Dieu  qui  vient  a  l'opposite,  quand  il  voit  que  les  hommes  se  fient  en  leurs  supports,  et  en  leurs  forces,  il  les  laisse  la:  et  bien,  essayez  donc  ce  que  vous  pouvez.  Car  aussi  quand  les  moyens  nous  sont  presentez  en  ce  monde  pour  nous  maintenir,  nous  mesprisons  Dieu,  et  nous  semble  que  nous  pourrons  bien  nous  passer  de  luy.  Non  pas  que  nous  le  disions:  mais  pource  que  bien  peu  de  gens  invoquent  Dieu  quand  ils  sont  favorisez  du  coste  des  hommes,  pour  ceste  cause  aussi  Dieu  n'en  tient  conte.  Mais  voici  les  vefves,  les  estrangers,  et  les  orphelins  qui  sont  contraints  de  gemir  a  luy,  et  quand  ils  ont  regarde  ca  et  la,  ils  ne  trouvent  point  de  faveur  ni  d'aide  entre  les  hommes:  qu'on  se  moquera  d'eux,  et  encores  qu'on  leur  promette,  ce  n'est  qu'eau  benite,  comme  on  dit:  en  sorte  qu'ils  ne  savent  ou  recourir:  cela  donc  les  rameine  a  Dieu,  et  en  gemissant  a  luy  ils  sont  exaucez.  Nous  voyons  maintenant  que  Moyse  par  tels  exemples  conferme  bien  la  doctrine  qu'il  avoit  mise,  que  Dieu  n'a  point  regard  aux  personnes:  car  ce  qui  est  contemptible  selon  le  monde,  luy  est  precieux:  et  la  ou  les  hommes  ne  daignent  pas  regarder,  c'est  la  ou  il  est  attentif.  Puis  qu'ainsi  est,  notons  en  premier  lieu,  que  si  nous  molestons  ceux  qui  ne  sont  point  deffendus  du  coste  des  hommes,  que  nous  avons  Dieu  pour  nostre  partie  formelle.  Et  si  ceci  nous  estoit  bien  persuade,  il  est  certain  que  nons  craindrions  plus  d'avoir  offense  Calvini  opera.  Vol.  XXVII.