21:65  65  PAR  NICOLAS  COLLADON.  m  ces  nations-la:l)  comme  quant  aux  trois  langues  premieres  et  principales,  il  peut  servir  tant  pour  l'usage  des  escoles,  que  pour  gagner  les  Iuifs  a  Christ,  et  y  enseigner  les  Grecs.  Au  reste,  pource  que  M.  Viret  n'estoit  que  preste  a  ceste  Eglise  pour  un  temps,  Calvin  comme  il  estoit  de  sa  part  fort  vigilant  et  songneux  a  procurer  tout  ce  qu'il  pensoit  propre  pour  l'avancement  d'icelle,  fit  tous  ses  efforts  pour  obtenir  qu'il  fust  accorde  a  tousiours:  et  a  ceste  fin  escrivit  lettres  a  plusieurs  personnages  qu'il  estimoit  y  pouvoir  aider,  et  lui  mesme  alla  en  personne  solliciter  l'affaire  en  un  synode  a  Vevay.  Mais  la  consideration  de  l'Eglise  [e  2]  de  Lausanne,  comme  la  chose  estoit  bien  a  peser,  empescha  d'obtenir  ce  que  on  demandoit.  Toutesfois  ledit  Viret  n'y  fut  pas  rappelle  si  tost,  mais  fut  laisse  encores  a  Geneve  plusieurs  mois,  iusqu'a  ce  que  les  affaires  y  fussent  un  peu  mieux  asseurees.  Ce  qui  fut  un  grand  soulagement  a  Calvin,  et  luy-mesme  le  recognoissoit  ainsi.  A  cause  de  quoy  aussi  depuis  il  lui  escrivoit  souvent  de  l'estat  de  ceste  Eglise,  comme  semblablement  a  M.  Farel  :  et  les  prioit  tous  deux  de  la  visiter  le  plus  souvent  qu'ils  pourroyent  a  leur  commodite.  Et  eux  de  leur  coste  s'y  sont  tousiours  monstrez  merveilleusement  affectionnez,  accourans  ici  pour  aider  a  leur  frere  et  compagnon  quand  leur  presence  y  pouvoit  servir,  comme  souvent  ii  est  advenu  qu'elle  y  a  beaucoup  fait,  Dieu  merci.  Le  peuple  aussi  pour  son  regard  s'esiouyssoit  du  bon  accord  de  ces  trois  excellens  personnages,  toutes  les  fois  qu'il  les  pouvoit  revoir  ensemble  et  les  ouir  prescher,  se  souvenant  du  temps  premier  qu'ils  avoyent  este  conioincts  ici  en  la  conduite  de  ceste  Eglise.  Il  est  vray  qu'il  y  avoit  bien  tousiours  quelques  malins,  lesquels  la  presence  de  Calvin  faschoit,  et  beaucoup  plus  quand  ils  le  voyoyent  en  la  compagnie  des  deux  autres:  tellement  que  par  moquerie  ils  appelloyent  entre  eux  l'union  de  ces  trois  serviteurs  de  Dieu,  le  Trepied.  Mais  tout  conte  et  rabbatu,  ou  tels  galands  2)  estoyent  contraincts  de  faire  bonne  mine,  ou  s'ils  brassoyent  quelque  chose,  il  faloit  malgre  qu'ils  en  eussent  qu'ils  sentissent  que  Dieu  avoit  mis  au  coeur  du  peuple  un  amour  de  ses  bons  Pasteurs.  Or  Calvin  un  peu  de  temps  apres  son  retour,  assavoir  au  mois  de  Novembre,  eut  les  nouvelles  de  la  mort  de  Capito,  lesquelles  le  contristerent  fort  plusieurs  iours  :  comme  aussi  il  n'y  a  point  de  doute  que  ce  fut  une  bien  grande  perte  pour  l'Eglise  de  Dieu  :  ioint  qu'en  mesme  temps  on  disoit  que  Bucer  estoit  malade  de  peste.  Calvin  donc  estant  demeure  a  Geneve,  seul  des  trois  qui  y  eussent  bien  este  1)  Gomp.  la  premiere  redacUon  p.  21  2)  profanes  F.  Calvini  opera.  Vol,  XXI.