15:65  65  1554  MART.  66  et  hic  post  meum  abitum  admisceri  quaedam  etiam  coeperunt  per  quosdam,  quae  tamen  facile,  spero,  corrigentur.  Urgent  Buceranam  exhibitionem,  quae  ne  ab  ipso  quidem  Bucero  intelligi  potuit,  nedum  ut  solidis  ullis  vel  testimoniis  vel  rationibus  comprobari  possit.  Sed  de  hoc  postea  plura.  Tantae  est  molis  videlicet  tollere  prodigiosam  illam  omnisque  papisticae  idololatriae  parentem,  imaginationem  praesentiae  corporis  Christi  in  caeremonia  ipsa  et  elementis  coenae.  Spero  tamen  brevi  futurum  ut  ex  animis  piorum  omnium  tollatur  omnino.  Sunt  rursum  qui  me  a  vobis  dissentire  putant,  eo  quod  panem  et  vinum  in  coena  signa  coenae  esse  negem,  quae  vos  symbola  esse  docetis  corporis  et  sanguinis  Christi:  quasi  vero  non  aliud  sit  coena  ipsa,  aliud  vero  corpus  et  sanguis  Christi,  ut  etsi  panis  et  vinum  coenae  signa  non  sint,  symbola  tamen  corporis  et  sanguinis  Christi  esse  nihilominus  possint.  Imo  vero,  quum  ego  doceo,  distributionem  ipsam  ac  participationem  panis  in  coena  esse  signum  coenae,  simul  quoque  doceo,  panem  et  vinum  in  coena  esse  symbola  corporis  et  sanguinis  Christi.  Alioqui  distributio  ipsa  panis  ac  poculi  in  coena  signum  esse  non  posset  communionis  nostrae  cum  Christo  in  corpore  et  sanguine  ipsius,  si  panis  et  vinum  symbola  non  essent  corporis  et  sanguinis  Christi.  Sed  amant  venari  ac  serere  dissidia6)  ubi  nulla  sunt,  quum  ipsi  sibi  nusquam  constent.  Plura  iam  non  possum.  Commendo  me  et  dissipatam  meam  ecclesiam  vestris  precibus,  et  vos  omnes  pariter  opto  in  Domino  recte  et  feliciter  valere.  Aemdae  Frisiorum  3.  Martii  1554.7)  Vester  ex  animo  quantus  est  Ioannes  a  Lasco  m.  pr.  1920.  CALVINUS  URBANIS.  Exhortatur  eos  ut  firmiter  adhaereant  evangelio,  quo  certius  in  proxime  instante  publica  deliberatione  per  maiora  reformationem  legitime  stabilitam  habeant.  (Ex  gallico  Beza  Tersam  edidit  Genev.  p.  149,  Laus.  p.  290,  Hanov.  p.  324,  Ohouet  p.  201,  Amst.  p.  92,  Authenticum  textum  non  exstare  eo  magis  dolemus  quod  hic  minus  felici  calamo  usus  sit  translatos  Anglice  legitur  in  Edit.  Philad.  ra.  24.)  6)  Be  statu  ecclesiarum  Frisiae  adeundus  Bertram,  hist  erit  lo.  a  Lasco,  Aurich.  1733.  4.  p.  230  ss.  laudatus  a  Kuypero.  Cf.  Bartels  p.  51  sa.  7)  Gerdes  habet  6.  Martii.  Calvini  opera.  Vol  XV.