7:649  649  REFORMANDAE  RATIO.  650  in  cruce  sacrificium,  aeternam  redemptionem  peperit  :  mentiuntur  certe,  qui  se  hodie  adhuc  sacrificare  redimendi  causa  profitentur.  Hic  commoda  interpretatione  nobis  satisfieri,  hoc  est,  oculos  perstringi  volunt  mediatores.  Fatebuntur  uno  Christi  sacrificio  redemptos  esse:  sed  hoc  modo  nobis  illius  gratiam  applicari.  Sed  hunc  fucum  iam  ante  satis  abstersi,  imo  ad  vivum  eraditur  uno  apostoli  verbo,  quum  legis  sacrificia  negat  paria  fuisse  tollendis  peccatis,  quia  saepius  repeterentur:  et  nos  hac  nota  discernit  a  patribus,  quod  apud  illos  quotannis  fieret  peccatorum  commemoratio  (Hebr.  10,  1).  Certe  et  nos  assidue  peccata  nostra  confiteri  decet,  nec  aliter  ea  deprecari  possumus,  quam  sacrificii  recordatione.  Itaque  non  aliter  intelligi  locus  ille  potest,  quam  hoc  constituto  discrimine,  quod  tunc  quidem  ad  testandam  peccatorum  expiationem,  visibile  sacrificium  adhibebatur:  hodie  non  item,  ex  quo  veritas  ipsa  signorum  fuit  exhibita.  Denique,  qui  offerri  hodie  Christum  fingunt  pro  animarum  salute,  morte  eius  expiata  fuisse  peccata  Deumque  hominibus  reconciliatum  fuisse  negant.  An  vero  nos  huic  blasphemiae  subscriberemus,  quae  proprium  mortis  Christi  munus  ad  humanam  actionem  transscribit?  Tunc  vero  nos  merito  Christus,  tanquam  perfidos  ac  foedifragos,  tanti  beneficii  participatione  abdicet,  si  unico  aeternoque  [pag.  165]  suo  sacrificio  eiusmodi  adminicula,  quae  nunquam  vel  instituit  vel  probavit,  subrogari  taciti  sinamus.  Quam  vero  congruenter  postea  rogatur  Deus  in  canone,  ut  hostiam  carnis  ac  sanguinis  Christi  gratam  habeat,  sicut  Abelis  Abrahaeque  sacrificia,  iubeatque  per  manus  angeli  perferri  in  sublime  altare  suum.  En  pietas,  quum  vix  eodem  filium  Dei  honore  dignantur,  quo  pecudes.  Quid  enim  precantur?  Ut  patri  Christus  instar  arietis  illius  quem  immolavit  Abraham  placeat.  Saltem  in  eo  minime  canonicus  est  canon,  quod  umbram  veritatis  regulam  facit,  gratiam,  qua  pollet  Christi  sacrificium,  ad  eam  quae  pecuariis  victimis  suberat  exigendo.  Caeterum  obtendant  quidquid  libuerit.  Sed  nos  qua  conscientia  in  tam  foedam  Christi  contumeliam,  ut  fere  posthabeatur  brutis  animalibus,  consentiemus?  Non  est  praeterea  auctarium  istud  negligendum,  si  nihil  in  canone  mutetur,  orandi  pro  papa  nostro  Paulo  tertio,  ')  nobis  necessitatem  iniungi.  Ergone,  dum  apparemus  in  Dei  conspectum,  ubi  cor  se  totum  quodammodo  effundere  debet,  patrem  nominemus  eum,  qui  omnium  filiorum  Dei  crudelissimus  est  carnifex?  Eum  fateamur  esse  pastorem,  qui  ad  mactandas  et  vorandas  Christi  oves,  princeps  est  latronum  ac  luporum?  Ei  primum  in  ecclesia  locum  assignemus,  qui  non  ab  ea  tantum  est  alienus,  sed  infestissimus  quoque  est  1)  Gallus  pro  nomine  habet:  en  l'appellant  nostre  sainct  pere.