49:649  649  SUR  L'EPITRE  AUX  CORINTHIENS.  650  branle,  ils  ont  la  bouche  close,  tellement  que  ils  ne  peuvent  invoquer  Dieu:  pour  le  moins  ils  n'ont  point  un  courage  ouvert  pour  venir  a  luy  en  ceste  fiance  dont  parle  sainct  Paul  au  troisieme  chapitre  des  Ephesiens,  qnand  il  dit  que  si  nous  avons  la  foy  par  Iesus  Christ,  nous  prions  Dieu,  nous  sommes  hardis  a  le  invoquer  en  plene  liberte.  Or  donc  ceste  sollicitude  la  seroit  mauvaise,  quand  nous  serions  preoccupez  de  frayeur,  et  que  nous  ne  scaurions  si  nous  avons  conge  de  venir  a  Dieu,  et  s'il  nous  veut  recevoir.  Mais  quand  apres  nous  estre  desfiez  de  nostre  faiblesse,  nous  esperons  toutesfois  que  Dieu  aura  pitie  de  nous:  et  quand  il  nous  appelle  que  nous  venons  a  luy  franchement,  et  concluons  que  nous  ne  serons  point  frustrez  de  nostre  attente,  voyla  comme  c'est  que  sainct  Paul  veut  que  nous  regardions  de  ne  point  tomber.  Et  ce  n'est  pas  seulement  ici  qu'il  veut  corriger  ceste  presomption  de  la  chair  laquelle  annonchalit  ainsi  les  hommes:  mais  nous  voyons  ce  qu'il  dit  en  l'Epistre  aux  Romains,  quand  il  fait  comparaison  des  Iuifs  avec  les  Payens:  car  il  use  quasi  de  semblables  mots.  Pourquoy?  Pour  ce  qu'on  voyait  une  cheute  horrible  en  ce  peuple  que  Dieu  avoit  esleu,  les  Payens  devoyent  estre  admonestez  de  ne  se  point  enorgueuillir,  mais  plustost  mettre  toute  leur  gloire  en  la  bonte  gratuite  de  Dieu,  scachans  que  c'estoit  de  la  qu'ils  tenoyent  tout,  et  que  c'estoit  par  la  aussi  que  ils  estoyent  maintenus:  mais  au  lieu  de  ce  faire,  ils  despitoyent  les  Iuifs  et  s'en  mocquoyent.  Voire  (dit  sainct  Paul)  et  ce  miroir  ci  ne  vous  peut-il  humilier?  Quand  vous  voyez  que  Dieu  a  reprouve  ceux  qui  estoyent  eleus  auparavant,  et  les  a  coupez  comme  des  branches  seches,  ou  qu'il  les  a  retranchez  de  son  Eglise,  comme  membres  pourris  et  vous  y  a  entez,  vous  qui  n'estiez  qu'avortons,  et  qui  n'aviez  nulle  dignite  en  vous:  et  ne  considerez  vous  pas  que  Dieu  vous  induit  a  vous  ranger  sous  luy,  cognoissans  que  vous  ne  pouvez  rien.  Or  quand  sainct  Paul  parle  ainsi,  ce  n'est  pas  qu'il  veuille  laisser  en  doute  ceux  qui  ont  creu  a  l'Evangile:  car  ce  seroit  contre  sa  doctrine,  mais  il  les  veut  cependant  tenir  en  bride,  afin  qu'ils  ne  s'aveuglent  point  de  leur  presomption,  laquelle,  comme  i'ay  dit,  retient  les  hommes  en  eux  mesmes,  en  sorte  qu'ils  oublient  que  c'est  de  la  grace  de  Dieu,  ou  bien  n'en  tienent  conte:  autant  en  est-il  en  ce  passage.  Et  ainsi  en  somme  apprenons  quand  nous  serons  debout,  de  cognoistre  que  c'est  Dieu  qui  nous  a  eslevez*  Car  quelle  est  la  force  des  hommes,  sinon  une  phrenesie,  iusques  a  tant  que  Dieu  les  ait  changez?  Or  ce  n'est  pas  le  tout.  Mais  il  faut  que  nous  persistions  par  la  grace  de  celuy  qui  a  commence  et  qui  continue  en  nous:  pour  ce  que  la  Calvin  opera  Vol.  XLIX