35:649  649  DE  LA  PROPHETIE  DE  CHRIST.  650  recueillir  combien  nos  fautes  sont  enormes,  et  en  quelle  detestation  Dieu  les  ha:  veu  que  (comme  nous  avons  dit,  et  sera  encores  tantost  recite)  il  n'y  a  rien  de  superflu  ou  inutile  en  la  mort  et  passion  de  nostre  Seigneur  Iesus  Christ.  Et  ainsi  d'autant  qu'il  a  este  afflige  griefvement,  il  nous  a  testifie  d'un  coste  sa  bonte  infinie,  et  l'amour  quil  nous  portoit:  mais  aussi  il  nous  faut  contempler  ce  que  meritoyent  nos  iniquitez  devant  Dieu.  Or  il  est  yci  dit  que  outre  ce  qui  avoit  desia  este  recite,  nostre  Seigneur  Iesus  Christ  a  este  expose  a  toutes  mocqueries  et  opprobres  des  meschans,  et  qu'ils  en  ont  fait  leur  triomphe:  car  par  ce  mot  de  sepulchre  il  n'y  a  nul  doute  que  le  Prophete  n'ait  voulu  exprimer  que  Iesus  Christ  a  este  assuieti  a  toutes  contumelies,  et  que  Dieu  Ta  voulu  comme  abandonner  pour  un  temps  a  ce  que  les  hommes  eussent  toute  licence  de  le  vilipender  :  ainsi  qu'il  nous  est  monstre  en  l'histoire  de  l'Evangile.  Car  non  seulement  Iesus  Christ  a  este  crucifie,  mais  tous  ont  tire  la  langue  contre  luy,  et  ont  iette  leurs  brocars,  et  mesmes  l'ont  solicite  a  desespoir  tant  qu'il  estoit  possible.  Et  cela  desia  avoit  este  aussi  bien  dit  au  Pseaume  22,  que  les  plus  vileins  et  les  plus  maraux  devoyent  tirer  la  langue  contre  luy.  Et  nous  oyons  aussi  leurs  propos,  II  a  sauve  les  autres:  qu'il  se  sauve  soy-mesme  s'il  peut.  Et  que  n'invoque-  il  son  Dieu?  On  verra  s'il  l'aime  tant.  Voyla  donc  comme  nostre  Seigneur  Iesus  a  este  navre  des  meschans,  et  les  hommes  se  sont  desbordez  contre  luy  en  toute  furie.  Et  c'est  afin  que  devant  Dieu  nous  puissions  obtenir  telle  grace  que  tous  nos  vituperes  soyent  cachez:  et  encores  que  Satan  nous  accuse,  et  ayt  de  quoy,  que  neantmoins  tout  ce  qui  pourroit  nous  faire  honte,  soit  enseveli.  Puis  qu'ainsi  est  donc  que  nostre  Seigneur  Iesus  a  voulu  endurer  tous  blasmes  et  opprobres  des  hommes,  c'est  afin  que  devant  Dieu  toutes  nos  turpitudes  soyent  cachees  et  qu'elles  ne  soyent  point  en  memoire.  Quand  le  Prophete  parle  yci  des  riches,  c'est  comme  s'il  nommoit  les  plus  violens,  et  ceux  qui  se  laschent  la  bride  a  tout  outre.  Car  nous  scavons  que  quand  les  hommes  sont  en  credit,  et  qu'ils  ont  beaucoup  de  quoy,  ils  se  font  craindre  et  redouter,  et  abusent  tousiours  de  leur  puissance.  On  en  trouvera  bien  peu  qui  se  tienent  en  sobriete  et  en  mesure,  et  qui  soyent  humains,  quand  ils  ont  le  moyen  de  mal  faire.  Quant  aux  povres,  combien  qu'ils  ayent  beaucoup  de  fierte  en  eux  si  estce  qu'ils  sont  retenus  par  force:  et  ainsi  on  n'apercevera  pas  le  mal  qui  est  cache.  Mais  les  riches  et  ceux  qui  ont  dequoy,  se  iettent  hors  des  gonds,  et  leur  semble  que  tout  leur  sera  licite.  Brief  le  Prophete  a  voulu  dire  que  nostre  Seigneur  Iesus  a  este  comme  mis  en  la  main  des  hommes,  afin