25:649  649  SUR  LE  DEUTER.  CHAP.  I.  650  on?  c'est  plustost  en  cerchant  une  couverture  de  tout  mal,  qu'il  n'y  a  ne  fraude,  ne  malice,  n'iniquite  qui  ne  se  trouve  la.  Et  pourquoy?  Oar  chacun  sans  avoir  aucun  esgard  a  Dieu,  ne  pense  sinon  de  tromper  les  hommes,  ou  circonvenir  par  quelque  traffique  meschante.  D'autant  plus  donc  nous  faut-il  bien  noter  ce  qui  est  ici  dit  :  c'est  assavoir,  que  selon  que  Dieu  aura  constitue  les  estats,  et  les  degrez  entre  les  hommes,  qu'on  ordonne  les  choses,  et  qu'elles  se  conduisent  selon  Tordre  que  Dieu  a  institue,  et  estably.  Et  pour  conclusion,  poisons  bien  aussi  ce  que  Moyse  adiouste  en  la  fin  :  c'est,  qu'il  a  enseigne  aux  Iuifs  tout  ce  qu'ils  avoyent  a  faire.  Quand  il  dit  cela,  c'est  comme  pour  protester,  qu'il  faut  qu'ils  cognoissent  qu'ils  ne  pechent  plus  par  ignorance,  qu'ils  ne  peuvent  pas  dire  :  I'ay  cuide  autrement,  ie  ne  savoye  pas  ce  qui  estoit  de  faire.  Vous  le  savez  (dit  Moyse)  il  ne  tient  qu'a  vous  :  car  de  ma  part  i'ay  este  fidele  a  Dieu  :  quand  il  m'a  commis  pour  vous  instruire,  ie  vous  ay  enseigne  comme  il  l'a  commande,  maintenant  vous  ne  pourrez  pas  avoir  excuse  pour  vous  couvrir.  Or  si  Moyse  a  eu  un  tel  soin  d'enseigner  le  peuple  quant  a  la  police  terrienne,  il  n'y  a  nulle  doute  qu'il  n'ait  encores  este  plus  diligent  a  l'instruire  quant  a  la  doctrine  de  salut.  Voila  le  premier  que  nous  avons  a  noter.  Moyse  declare-il  qu'il  n'a  rien  cele  ni  cache  aux  Iuifs  de  ce  qui  estoit  de  cest  office  temporel,  pour  garder  quelque  ordre  et  honnestete  humaine  entr'eux?  par  plus  forte  raison  il  leur  a  annonce  la  grace  de  Dieu,  et  puis  il  leur  a  monstre  aussi  quelle  est  la  reigle  de  bien  vivre,  il  a  declare  aussi  l'alliance  de  salut  que  Dieu  faisoit  a  son  peuple.  Il  est  certain  que  la  il  n'a  rien  cache,  mais  il  y  a  eu  une  diligence  exquise,  tellement  qu'il  n'a  point  laisse  les  Iuifs  en  suspend,  qu'ils  n'ayent  este  confermez  deuement  pour  se  gouverner  selon  Dieu.  Or  maintenant  si  Moyse  s'est  ainsi  acquitte  de  son  devoir,  il  faut  conclure  donc  que  la  Loy  est  une  doctrine  suffisante  pour  instruire  le  peuple,  qu'il  n'a  point  use  de  subterfuges  pour  le  transporter  ca  et  la.  Et  puis  les  Prophetes  sont  venus  qui  ont  adiouste  encores  une  plus  grande  clarte.  Finalement  l'Evangile  a  este  publie  par  tout  le  monde.  Maintenant  pouvons-nous  dire,  que  nostre  Seigneur  ne  nous  ait  point  enseignez  suffisamment,  et  que  tous  les  Prophetes,  et  les  Apostres,  et  Iesus  Christ  mesmes  ne  nous  ayent  donne  sinon  une  instruction  a  demi?  pourrons-nous  alleguer  cela?  Nenni,  ce  seroit  un  blaspheme  par  trop  vilain.  Ainsi  donc  que  nous  ayons  les  aureilles  ouvertes  pour  escouter  nostre  Dieu,  et  il  nous  sera  bon  maistre,  et  nous  contentons  de  la  doctrine  qui  est  contenue  en  l'Escriture  saincte.  Car  aussi  nous  y  avons  une  telle  perfection  de  sagesse,  qu'il  n'y  a  que  redire.  Voila  donc  ce  que  nous  avons  a  noter