23:649  649  SERMONS.  650  aussi  qu'il  a  este  conceu  miraculeusement  du  Sainct  Esprit  outre  l'ordre  de  nature.  Et  combien  qu'il  soit  mort,  toutesfois  si  est-ce  que  sa  vie  est  permanente:  et  mesmes  il  nous  a  acquis  vie  a  tous,  quand  il  a  voulu  mourir  pour  nous.  Il  est  donc  sans  commencement  et  sans  fin:  sans  commencement,  pour  ce  qu'il  est  Dieu  eternel:  et  sans  fin,  d'autant  que  nous  avons  eternite  en  luy,  ainsi  qu'il  est  dit  au  prophete  Isaie,  Qui  est-ce  qui  racontera  la  lignee  qui  viendra  de  luy?  L'Eglise  est  immortelle  en  la  vertu  de  nostre  Seigneur  Iesus  Christ:  luy  donc  par  plus  forte  raison  est  sans  [pag.  29]  fin.  Mais  cela  sera  traicte  plus  au  long:  maintenant  nous  le  touchons  en  brief,  pour  monstrer  que  ce  n'a  point  este  Sem.  Et  voyla  pourquoy  aussi  notamment  David  accompare  le  Redempteur  qui  devoit  venir,  a  Melchisedec.  Or  devant  que  passer  outre,  notons  que  c'a  este  une  grace  admirable  de  Dieu,  que  Melchisedec  se  soit  ainsi  maintenu  en  purete,  veu  que  toute  la  terre  estoit  lors  pleine  d'idolatries  :  car  la  maison  du  pere  d'Abram  estoit  une  caverne  d'idoles,  comme  nous  l'avons  allegue  ci  dessus,  et  que  le  Sainct  Esprit  le  testifie  par  la  bouche  de  Iosue.  Puis  donc  que  tout  estoit  ainsi  corrompu  au  pais  de  Chaldee,  qui  estoit  plus  prochain  de  l'habitation  de  Noe,  ou  il  avoit  tousiours  vescu,  que  la  aussi  estoit  Sem  et  ses  semblables:  puis  que  desia  le  diable  avoit  perverti  et  souille  le  service  de  Dieu  de  tant  de  polutions,  comment  est-il  possible  qu'en  la  terre  de  Canaau,  la  ou  le  peuple  est  malin,  l'a  ou  il  n'y  a  qu'impiete  et  mespris  de  Dieu  et  rebellion,  ou  il  n'y  a  qu'iniquitez,  tromperies,  fraudes,  cruautez  et  violences,  il  y  ait  neantmoins  un  sacrificateur  du  Dieu  vivant?  En  cela  nous  voyons  comme  Dieu  a  quelque  fois  son  Eglise  cachee  souz  terre,  par  maniere  de  dire,  et  qu'elle  n'est  point  cognue  selon  l'opinion  des  hommes  :  mais  c'est  assez  que  Dieu  la  cognoist.  Nous  avons  donc  tesmoignage  de  ceci  en  Melchisedec.  On  eust  pu  estimer  [pag.  3  o]  qu'il  n'y  avoit  point  alors  un  seul  homme  qui  adorast  Dieu  purement  et  en  simplicite:  car  si  le  grand  pere  d'  Abram  et  tout  son  parentage  ont  este  adonnez  a  erreurs  diaboliques,  et  qu'ils  ayent  servi  les  idoles,  que  pouvoit-ce  estre  du  reste?  On  eust  donc  iuge  que  l'Eglise  de  Dieu  estoit  pleinement  abolie:  mais  on  veoit  comme  il  en  a  garde  quelque  petite  semence,  quand  il  a  voulu  que  Melchisedec  fust  ainsi  sacrificateur,  voire  en  un  pais  qui  estoit  plus  plonge  en  toutes  iniquitez,  que  les  autres.  Or  il  nous  faut  appliquer  ceci  a  nostre  usage  :  car  c'est  une  tentation  bien  perilleuse,  quand  nous  estimons  que  Dieu  n'ait  plus  d'Eglise  au  monde:  car  il  faudroit  que  sa  promesse  fust  vaine  et  frustratoire.  Et  puis  quand  un  homme  cuide  estre  seul,  il  se  debauche  et  s'anonchalit,  iusques  a  ce  qu'il  tombe  en  desespoir:  comme  nous  voyons