9:648  Quid  blateret  Stancarus,  nihil  moror:  nec  vero  aequum  est,  puram  et  genuinam  pietatis  doctrinam,  cui  nihil  affine  habet,  eius  commentis  obscurari.  Quod  ergo  ab  eo  dicitur:  Unus  Deus  et  unus  mediator,  id  est  trinitas;  item:  Ut  cognoscant  te  unum  Deum,  id  est,  trinitatem;  Creditis  in  Deum,  id  est,  in  trinitatem;  Quidquid  petieritis  a  patre,  id  est,  a  trinitate,  non  modo  tanquam  insipidum,  sed  profanum  quoque  repudiamus.  Facessant  igitur  perversae  illae  speculationes,  quae  invidiam  [fol.  6]  conflare  possent  sanae  doctrinae  apud  imperitos,  et  ab  improbis  nebulonibus  in  hunc  finem  captiose  obtenduntur.  Ubicunque  enim  occurrit  filii  mentio,  Dei  nomen  distincte  in  patrem  competit.  Sed  interea  minime  ferendum  est,  ut  artifices  !)  isti  Blandrata  et  Valentinus  indigne  corrumpant  scripturae  locos,  ubi  Christus  simpliciter  Deus  vocatur.  De  solo  Christo  volunt  esse  dictum:  Sermo  erat  Deus  (Ioann.  1,  1);  item:  Sanguine  Dei  acquisita  est  ecclesia  (Act.  20,  28);  item:  Qui  est  Deus  benedictus  in  saecula  (Rom.  9,  5);  item:  Hic  est  verus  Deus  et  vita  aeterna  (1.  Ioann.  5,  20).  Fateor  quidem  hoc  de  solo  Christo  praedicari,  modo  ne  Deum  secundum  comminiscantur,  quod  facere  ipsos  liquet.  Quo  enim  sensu  haec  elogia  ad  solum  Christum  restringunt,  nisi  quia  aliter  Christus  quam  pater  vocatur  Deus?  Ego  autem  contendo  Deum  vocari,  quia  unus  est  cum  patre  Deus,  et  una  est  utriusque  essentia.  Nam  si  Christus  patrem  vocando  solum  verum  Deum,  se  non  excludit,  certe  non  attingit  suam  essentiam,  sed  tantum  dispensationem  respicit  et  personam  mediatoris.  Patrum  testimonia  non  minus  inscite  depravant.  Neque  tamen  miror  tam  audacter  hinc  inde  arripere  quae  facere  putant  ad  suam  causam.  Homines  sunt  indocti,  nec  exercitati  in  scriptis  veterum.  Iam  dum  turbulento  impetu  feruntur  ad  captanda  patrocinia2)  promiscue  arripiunt  quaecunque  videntur  a  recepto  usu  paulum  remota  esse.  Luculentum  eius  rei  specimen  est,  quod  superbe  iactant  Tertulliani  verba,  ac  si  nobis  adversarentur.  Quid  autem  verba  illa  continent?  Si  natus  fuisset  innatus,  comparatus  cum  eo  qui  esset  innatus,  aequatione  in  utroque  duos  faceret  innatos,  si  non  genitus  esset,  collatus  cum  eo  qui  genitus  non  est.  Atqui  non  aliud  tradit  pius  [fol.  7]  vir  quam  quod  subinde  inculco,  filium  tunc  demum  a  patre  discerni,  ubi  in  comparationem  veniunt  personae.  Quid  enim  significant  participia  Comparatus  et  Collatus,  nisi  ex  relatione  unius  personae  ad  alteram  exsistere  discrimen?  Relatio  autem  ad  essentiam  uno  veterum  omnium  consensu  damnatur.  Quae  vero  falsarii  isti  ad  stabiliendum  1)  ces  rustres  et  forgerons.  2)  pour  cercher  faveur  et  gens  qui  leur  soustiennent  le  menton.