56:648  pandant24)  la  terre,  par  ma  vertu.25)  25.  Rompant  les  coniectures26)  des  devins,  affollissant  les  prognosticateurs,  27)  destournant  les  sages  au  rebours,  et  faisant  tourner  leur  sagesse28)  en  follie.  26.  Suscitant  la  parole  de  son  serviteur,  et  accomplissant  le  conseil  de  ses  messagers  :  disant  a  Ierusalem,  tu  seras  habitee,  et  aux  villes  de  Iuda,  vous  serez  basties:  et  ie  redresseray  les  ruynes  d'icelle.29)  27.  Disant  a  l'abysme,  devien  sec:30)  et  seicheray  tes  rivieres.  28.  Disant  a  Cyrus,  tu  es  mon  berger:  et  il  parfera  toute  ma  volonte:  en  disant  aussi  a  Ierusalem:  tu  seras  bastie:  et  au  Temple,  tu  seras  fonde.  Chapitre  XLV.  1.  Ainsi  dit  le  Seigneur  a  Cyrus  son  Oinct:  duquel  i'ay  pris  la  main,1)  pour  rendre  les  peuples  subiets  devant  luy  :  parquoy  ie  dissoudray2)  les  reins  des  roys,  pour  ouvrir  les  huys  devant  luy  :  pource,  les  portes  ne  seront  point  fermees:  2.  Ie  iray  devant  toy,  et  dresseray3)  les  voyes  tortues,  ie  rompray  les  portes  d'erain,  et  briseray  les  verroulz  de  fer.  3.  Et  te  donneray  les  thresors  caches,4)  et  les  choses  mussees5)  es  lieux  secrets:  a  fin  que  tu  saches  que  ie  suis  le  Seigneur,  t'appellant  par  ton  nom,  a  savoir  le  Dieu  d'Israel.  4.  Pour  l'amour6)  de  mon  serviteur  Iacob,  et  Israel  mon  esleu,  ie  t'appelleray,  dy~ie,  par  ton  nom  :  ie  te  surnommeray,  combien  que  tu  ne  m'ayes  point  cogneu.  5.  Ie  suis  le  Seigneur,  et  n'y  en  a  point  d'autre:  il  n'y  a  point  d'autre  Dieu  que  moy:  ie  t'ay  equippe,7)  combien  que  tu  ne  m'ayes  point  cogneu.  6.  Pour  ceste  cause  on  saura  depuis  Orient  iusques  en  Occident,  qu'il  n'y  en  a  point  d'autre  que  moy.  Ie  suis  le  Seigneur,  et  il  n'y  en  a  point  un  autre  que  moy.  7.  Formant  la  lumiere,  et  creant  les  tenebres,  faisant  la  paix,  et  creant  le  mal:  Ie  suis  le  Seigneur  faisant  toutes  ces  choses.  8.  O  cieux  envoyez  la  rosee  d'en  haut,  et  que  les  nuees  distillent  la  iustice:  que  la  terre  s'ouvre,  et  que  le  salut  et  24)  dilate  *  O.  suiv.  25)  en  marge:*  ou,  de  moy  mesme.  .  sans  qu'aucun  fust  avec  moy  O.  suiv.  26)  ie  dissipe  les  signes  *  i'enfreins  les  signes  O.  suiv.  27)  mets  hors  du  sens  les  magiciens  *  tourne  les  m.  en  fureur  O.  suiv.  28)  science  *  faisant  leur  science  estre  folle  O.  suiv.  29)  ses  lieux  deserts  O.  suiv.  restaureray  46.  suiv.  30)  sois  desolee  O.  sois  seiche  46.  suiv.  1)  dextre  *  O.  suiv.  2)  en  marge:  *  ou,  desceindray.  .  ie  destitue  de  vertu  les  roys  O.  ie  debilite  les  reins  46.  suiv.  3)  feray  droictes  O.  46.  *)  des  tenebres  *  mucez  (mussez)  O.  suiv.  5)  cachees  O.  suiv.  6)  la  cause  O.  7)  en  marge:*  ou.  ceint.  .  mis  en  point  O.  suiv.