35:648  puissions  pas  avoir  l'intelligence  pure  de  la  doctrine  de  nostre  Seigneur  Iesus  Christ,  et  quel  est  le  fruit  que  nous  devons  recueillir  de  ce  qui  nous  est  presche  iournellement,  qu'il  ne  nous  faut  point  desesperer  pourtant:  mais  chercher  en  l'Escriture  ce  qui  nous  est  incognu  :  et  Dieu  nous  tendra  la  main,  et  ayant  pitie  de  nous,  il  nous  addressera  au  vray  but.  Et  puis  qu'ainsi  est  que  ce  povre  homme-la  qui  s'exercoit  en  la  lecture  de  la  Bible,  et  ne  scavoit  pas  ce  qu'elle  vouloit  dire,  a  este  converti  a  nostre  Seigneur  Iesus  Christ,  gardons  bien  de  nous  endormir:  mais  plustost  suyvons  ce  qui  est  dit  au  Pseaume,  Auiourd'huy  si  vous  oyez  sa  voix,  n'endurcissez  point  vos  coeurs.  Ainsi  donc  que  nous  goustions  tellement  la  doctrine  qui  nous  est  yci  preschee,  que  nous  soyons  amenez  a  nostre  Seigneur  Iesus  Christ,  et  que  nous  Pacceptions  tellement,  que  nous  y  adherions  en  vraye  constance  de  foy:  que  nous  y  profitions,  et  soyons  confermez  iusques  au  bout:  et  qu'apres  nous  estre  vrayement  humiliez,  nous  venions  nous  presenter  a  nostre  Dieu  pour  luy  demander  pardon:  et  nonobstant  nostre  indignite,  que  nous  ne  laissions  pas  de  lever  la  teste  en  haut,  et  de  concevoir  une  vraye  certitude,  qu'au  nom  de  ce  grand  Redempteur  nous  serons  acceptez  de  Dieu.  Et  combien  qu'il  ait  este  abysme  pour  un  petit  de  temps,  revenons  a  ce  poinct,  que  neantmoins  il  a  este  esleve  par  dessus  les  cieux  pour  nous  attirer  a  soy:  comme  luy  mesme  dit  en  sainct  Iehan,  au  douxieme  chapitre,  Quand  ie  seray  exalte  de  ce  monde,  ie  tireray  toutes  choses  a  moy.  Or  nous-nous  prosternerons  devant  la  maieste  de  nostre  bon  Dieu  en  cognoissance  de  nos  fautes,  luy  prians,  etc.  CINQUIEME  SERMON  Isa.  Chap.  LIII.  9.  ll  a  expose  son  sepulchre  aux  meschans,  et  sa  mort  aux  riches:  combien  qu'il  n'eust  commis  nul  forfait,  et  qu'il  ne  se  fust  point  trouve  de  fraude  en  sa  bouche,  10.  Le  Seigneur  toutes  fois  Va  voulu  affliger  d'infirmite:  et  quand  il  aura  mis  son  ame  pour  satisfaction  du  peche  il  verra  semence  de  long  aagei  et  le  plaisir  de  Dieu  prosperer  en  sa  main.  Le  Prophete  continue  yci  la  doctrine  "que  nous  avons  desia  veue:  c'est  ascavoir  qu'il  y  avoit  telle  inimitie  entre  Dieu  et  nous,  qu'il  n'y  a  eu  moyen  d'appaiser  son  ire,  sinon  que  Iesus  Christ  eust  respondu  iusques  au  bout.  Car  d'autant  plus  que  le  Fils  de  Dieu  a  souffert,  de  la  nous  pouvons