25:648  mais  c'est  de  sa  vocation:  il  sait  que  Dieu  l'a  constitue  a  cela.  Et  ainsi,  ne  craignons  point,  quand  nous  exerceron8  la  charge  qui  nous  est  commise,  de  retenir  ce  que  Dieu  nous  donne.  Et  pourquoy?  Car  tout  ainsi  que  l'homme  ne  se  doit  point  priser,  aussi  il  ne  faut  point  qu'il  regarde:  O  ceci  est  odieux,  on  le  pourroit  mal  prendre,  il  sera  suiet  a  calomnie:  il  faut  que  nous  suyvions  ce  que  Dieu  nous  commande.  Et  ainsi,  n'entreprenons  rien  de  nostre  part,  c'est  a  dire,  ne  soyons  point  temeraires,  pour  dire:  Ceci  m'appartient:  car  l'ambition  nous  sollicite  tousiours,  qu'un  chacun  voudroit  avoir  ie  ne  say  quoy  de  privilege:  gardons-nous  de  ceste  follie-la.  Mais  comme  une  telle  hardiesse  ne  doit  point  regner  en  nous,  que  l'homme  de  soy  entreprenne,  ou  qu'il  usurpe  rien:  aussi  a  l'opposite,  quand  Dieu  veut  qu'une  charge  vienne  sur  nous,  il  nous  la  faut  prendre.  Il  est  vray  qu'on  en  pourra  mesdire,  mais  il  faut  passer  par  la,  suyvans  tousiours  nostre  train.  Yoila  donc  l'exemple  que  Moyse  nous  a  ici  monstre.  Et  en  sa  personne  il  nous  met  comme  un  miroir  devant  les  yeux,  pour  nous  declarer  qu'il  nous  faut  suyvre  Tordre  que  Dieu  aura  establi,  et  ne  nous  esbransler  de  rien.  Si  nous  ne  le  faisons,  ceste  ingratitude-la  n'est  point  a  supporter.  Nous  savons  l'infirmite  qui  est  en  nous,  et  non  seulement  en  une  espece,  mais  en  toutes  choses,  nous  sommes  tant  fragiles  que  c'est  pitie.  Or  nostre  Seigneur  a  bien  prouveu  a  toutes  nos  necessitez,  et  nous  a  donne  les  remedes.  Comme  il  nous  donne  a  boire,  et  a  manger  pour  nous  soustenir  quant  a  la  vie  caduque,  aussi  il  a  ordonne  la  police  pour  nous  gouverner:  il  a  ordonne  le  ministere  de  sa  parolle  pour  regir  nos  ames,  et  puis  il  a  donne  des  graces  singulieres  a  d'aucuns,  tellement  qu'ils  nous  peuvent  donner  conseil,  ils  peuvent  consoler  et  exhorter  leurs  prochains,  et  subvenir  a  leurs  necessitez.  Que  faut-il  donc?  Regardons,  toutes  fois  et  quantes  que  nous  sommes  empeschez,  et  que  nous  sommes  en  perplexite,  d'user  des  moyens  que  Dieu  nous  donne,  voire  d'en  user  tousiours  selon  sa  crainte.  Car  on  nous  pourroit  abuser,  comme  nous  avons  veu.  Que  faut  il  donc?  que  nous  ne  soyons  point  destournez  ni  empeschez  par  ceux  qui  n'ont  ne  raison  ne  droiture  en  eux,  mais  que  chacun  se  serve  du  moyen  que  Dieu  luy  donne:  voire  comme  s'il  alloit  a  Dieu  mesmes.  Et  cela  sera  pour  nous  faire  licitement  user  de  l'ordre  de  iustice,  ce  qu'on  ne  fait  point.  Et  c'est  encores  un  poinct  qu'il  nous  faut  bien  observer,  assavoir,  comme  on  doit  repousser  les  iniures  :  et  comme  on  se  doit  gouverner,  quand  on  se  trouve  perplex,  que  nous  prions  Dieu  qu'il  nous  conduise,  si  on  avoit  cela,  il  est  certain  que  quand  un  homme  iroit  en  iustice,  que  ce  seroit  en  tremblant,  pour  dire:  Ie  me  vien  ici  presenter  comme  a  mon  Dieu.  Auiourd'huy  comment  y  va-